「中二生」黃劍文人氣高企 趁空檔去新加坡放空獎勵自己！

「中二生」黃劍文完成《中年好聲音2》比賽後，人氣繼續高企，工作一浪接一浪！日前，劍文難得有空檔，即飛往新加坡旅行放空，食好西、到主題樂園遊玩及打卡樣樣齊，好開心。

劍文接受其他傳媒訪問時搞笑稱，他更爭取時間一口氣翻閱了27封粉絲信﹕「大家寫信畀我，如果可以都係寫中文比較好啲，因為英文嘅話我要查字典，感激大家對我嘅支持鼓勵及愛，睇到好感動。」

提到去新加坡旅行，劍文分享今次「畢業旅行」行色匆匆，更教他分外珍惜﹕「去到主題樂園，真係好似中學生去旅行咁，盡情玩機動遊戲、盡情叫一餐﹗真係好感恩，落完雨入到去就冇落雨，走嘅時候返到去先落雨，起碼玩嘅時候有太陽，真係好盡情食、盡情瞓、盡情見朋友，盡情自由行。」期間他有抽時間與當地朋友見面，行程相當充實。

圖片來源：黃劍文IG

黃劍文新加坡放空獎勵自己黃劍文新加坡放空獎勵自己黃劍文新加坡放空獎勵自己