IU亞博開騷勁講廣東話 唱《一人之境》冧爆粉絲原來也很高興！

韓國樂壇天后IU（李知恩），終於駕臨香港開騷！相隔六年再度來港，女神IU魅力不減，兩場亞博個唱騷「2024 IU HEREH WORLD TOUR CONCERT IN HONG KONG」全埸爆滿。眾所周知，IU十分懂得冧爆粉絲，全場勁用廣東話跟歌迷互動，IU以標準廣東話向fans打招呼：「多謝！大家好香港，我係IU，好耐冇嚟香港，好開心，好掛住大家，今日一齊唱多啲歌，我想聽大家嘅聲音。」

IU以新歌《Holssi》揭開序幕，之後又送上《BBIBBI》、《Celebrity》、《Blueming》及《Through the Night》等人氣作品。個唱上，IU亦不停用廣東話講「大家好叻」、「你哋要身體健康」、「我愛你哋」、還不斷跟住翻譯講廣東話，可愛互動行為冧爆粉絲！除了又唱又跳外，IU擺出各種心心甫士，有大心有面頰心，逗得全場尖叫。

每次IU演唱會上，女神不忘苦練廣東歌送給觀眾，今次，IU特意選唱林家謙的《一人之境》，雖然IU的廣東話發音，跟15年九展Show上唱的《囍帖街》相比退步了，她亦表示練習歌曲時發現，唱外語歌真的不容易：「雖然我有努力練習，但真的好難！」不過誠意滿分，粉絲們同樣收貨。

圖片來源：網上圖片

IU駕臨亞博!我地都好掛住你呀!IU大唱一人之境