林作直播爆粗鬧爆新何太！更自封為「何太頭號公敵」：是個唔識字、白卡、壞咗嘅人

《東張西望》報道何生和新何太的忘年戀極速閃婚，高調認愛後連帶無盡熱話，新聞熱炒程度更是近期罕見！就連「抽水王」林作，日前更主動出100萬，力邀新何太開班教煲湯。不過，新何太突然在直播上，公開直斥林作「腎容（信用）」有問題而拒絕合作。

事件未完，林作似乎對新何太的言論非常火滾，昨晚輪到林作開直播，直斥「何太含血噴人」後，其實，他因乜事激動到爆粗鬧爆新何太呢？ 

林作在社交平台開直播並留言說：「1. 所有商家千萬不要和何太合作；2. 本人除了是香港抽水王外，現增加一個稱號：何太頭號公敵。3. 何太是個唔識字、白卡、以及道德敗壞，污蔑他人的壞人。」在片中，林作直言要數臭新何太：「我絕對係同大家同仇敵愾，絕對同呢個何太係冇任何合作，亦都冇欣賞過呢個人，而家簡直係鄙視，我希望大家記得我係新何太頭號公敵！」

林作好嬲咁奉勸所有商家，千萬不要找何太合作：「唔好畀錢佢搵，更加唔好嘥時間同佢傾，呢個人係值得封鎖。佢係冇文化同絕對唔識字，小弟非常恭敬咁畀咗啲文字佢，兩秒鐘就話啲文字唔明，然後就覆番我啲模稜兩可嘅嘢拒絕，之後同個YouTuber扭曲我講嘅說話，並且指控我冇『腎容』，我諗佢係話我冇信用，仲話係騙局，呢個真係好過份。」

林作越說越激動，又稱今次是在未正式談判下已經被拒絕：「open to提供好多唔同條款，但係佢都係唔傾，一知道唔係即刻有100萬之後，要做嘢架，x你個肺，妳以為妳嫁畀何伯之後，真係有幾球收？呢個人呀，貪！剩係想呃呃𠱁𠱁攞完唔使做，呢啲係賤人，根本就非常過份嘅一個人。我真係俾佢激親，噚日走咗去睇佢嘅直播，講啲嘢誇張到不得了，飄飄然都不得了，係非常核突嘅表現，我覺得係令人髮指。」

林作揚言與新何太反面：「敢作敢為，敢愛敢恨，你過我一棟，咁我要出嚟講番個事實。我唔想將自己同人哋嘅私下對話拎出講，但係佢不仁，我不義，佢屈話我冇信用，我都唔知乜嘢信用？我同佢只係傾緊，我係願意俾出一個非常高嘅底薪，無論如何佢都一定有收入，每位學員收450蚊睇佢煲湯，每個人嘅學費都會拆錢畀佢，一個當係百零蚊，一千個咪分十零蚊萬，一萬個就分百零萬。」

林作的嬲怒未完，繼續指斥新何太：「佢竟然夠膽死話我呃佢，同人講話要有1萬個學生先有錢分，我幾時有講過呢啲說話？你唔可以扭曲我啲說話，一係你就唔識字，第二你就係特登屈我，亦即係話你話人有問題，直頭係一個壞咗嘅人。我哋都冇談過，只係話俾錢佢出嚟做騷，你以為唔使撈就有錢收？妳係咪真係以為嫁畀何伯之後可以有攞幾球？你x味呢個係乜嘢心態？直頭係過份！呢個人真係好有問題，所以我決心要數臭佢！」