中年好聲音2｜首位五燈選手高管教練周文馨曾動過心臟手術評判們：聲底好中音靚

TVB去年年底推出綜藝歌唱真人騷《中年好聲音》，專為35歲或以上嘅朋友而設，為一眾人到中年但又唱得嘅男女提供演出平台向夢想再出發。噚晚（10號）《中年好聲音2》首播，由車婉婉擔任主持，肥媽、伍仲衡、張佳添、周國豐及陳慧嫻擔任評審，節目中共有21名選手亮相，共誕生兩名5燈選手，為賽事首掀高潮。

第一位 5 燈選手，是 56 歲高管教練周文馨（Rainbow），選唱歌曲是《Unchained Melody》。睇吓慧嫻聽得幾入迷。三名評審同時撳燈嗰吓好震撼。

第一位5燈選手係56歲高管教練周文馨（Rainbow），選唱歌曲係《Unchained Melody》，周文馨唱咗一分半鐘左右、即吸引肥媽、張佳添及慧嫻同時撳燈，場面墟冚。對於Rainbow表現，評審們認為唱功、聲線俱佳，張佳添讚「中音好靚，你把聲有少少令我諗起Karen Anne Carpenter」，對此慧嫻亦和應：「我都係最鍾意你嘅聲底，你一路都唱得好好、好穩定。」最遲撳燈嘅周國豐大讚Rainbow懂得運用策略吸引聽眾：「呢首歌情懷好緊張，第一段周小姐撩唔起我條筋，我要讚係佢去到見到剩番我未撳時，佢已經好策略地針對式望住我。確實後半截佢係愈唱愈好，最後嗰個高音，冇辦法都要撳燈。」Rainbow故事與其歌聲同樣感人，兩年前曾做過心臟手術，感恩透過手術獲得重生：「冇做到嗰個手術，我可能企唔到喺呢度，所以我覺得好感恩。我真係覺得好似重生，我好開心可以參與到呢個節目。」

張佳添投入到哩！第二位 5 燈選手，是 50 歲在悉尼經營泰國餐館的海外選手吳萊邨，獻唱歌曲是《最後一封信》。佢本身係喺悉尼經營泰國餐館，今次次全靠老婆支持佢參賽。結果第一 round 就拎５燈。

第二位5燈選手就係50歲喺悉尼經營泰國餐館嘅海外選手吳萊邨，獻唱歌曲《最後一封信》；雖然吳太一直希望萊邨全心全意喺餐館生意大展拳腳，不過當聽到佢想參加《中年2》，竟然二話不說答應，令萊邨大為感動及意外：「佢知道我參賽，就話『不如去啦』，估唔到佢會支持我。」對於萊邨嘅表現，張佳添笑言「醒晒」並一再大讚佢有穿透力，而「穿透力」代言人伍仲衡讚萊邨高音來得自然：「佢有力得嚟又唔嘈喎，有啲人得個嗌字，你有排玩呀你！」張佳添即附和：「用力用得好就唔嘈㗎喇！」

4 燈選手：獻唱《風雲》的簡潔明，佢係顧嘉煇鐵粉。4 燈選手：獻唱《光亮》的安雅希，佢係慧嫻陶醉到唔記得畀燈嗰位。4 燈選手：獻唱《白金升降機》的陳蒨葶，2011 年曾出道做歌手，可惜最終歌手夢碎。

本集誕生4名4燈選手，分別係60歲獻唱《風雲》顧嘉煇鐵粉簡潔明、36歲獻唱《光亮》安雅希、37歲獻唱《白金升降機》陳蒨葶，以及39歲獻唱《留低鎖匙》劉肇文。當中陳蒨葶2011 年曾出道做歌手，可惜最終歌手夢碎：「同公司好多唔同問題出現，話冇就冇！嗰時發覺自己淨係識唱歌，仲可以做啲咩呢？好難捱，因為未接受得到，個人好Down，唔想見人。」陳蒨葶續指報名《中年2》係想媽咪唔好再擔心自己，佢哽咽：「好想再一次證明畀佢睇，你個女係可以喺台上發光發亮，冇白費你心機！」另一位較特別選手就係36歲全職媽媽王玥，獻唱《傾城》獲得3燈成績之餘，獲以閹尖見稱嘅周國豐大讚「背影」吸引、以歌聲講故事能力極佳。育有三名小朋友嘅王玥，其實數月前先開始跟老師學唱歌，豈料卻獲老師建議參加《中年 2》，足證潛力無限！

今次佢參賽係為咗令媽媽唔好再擔心佢，說時忍不住數度哽咽。4 燈選手：獻唱《留低鎖匙》的劉肇文。王玥雖然暫時只得 3 燈成績，但其實最後冇畀燈佢嘅張佳添，其實一直好想畀燈佢，佢讚佢好有 potential。