尹光宣布11月於紅館開騷，引起市場熱烈迴響，個個都話好期待，仲話尹光真係好潮，簡直又貼地又貼住潮流！

日前，尹光發布新歌《Dear Myself》，除了一改尹光的搞鬼風格，首次獻唱抒情慢曲旋律以外，最驚喜是尹光真的一圓粉絲夢，果然，在MV裡與「AI尹光」AI Wan K.合唱的片段，網民更說聽完呢首歌好「好滾動」！

看完全首《Dear Myself》MV，歌詞有如回顧尹光的歌唱生涯，加插《Hollywood》（原名：荷里活）、《十四座》、《數波波》等歌名，尹光亦換上幾個以往登場的造型，當中包括《少理阿爸》MV中的爆炸頭，相當經典。歌曲中段，AI「WAN K.」聲音出場，與尹光一同合唱，超正！

網民看罷MV，紛紛大讚尹光與時並進，肯挑戰新事物。不過，因為歌詞好洋蔥，令網民聽到眼濕濕：「一聽呢首歌，很多回憶都湧上心頭，眼角自然泛出淚光，多謝尹光。」、「有幾多位歌手能夠俘虜幾個世代嘅年輕人嘅心，相信只有不斷力求創新嘅光B做得到」、「年度金曲已誕生！」、「屈機到癲，作詞條友大癲」、「真正傳奇人物，隔幾年就試新嘢」。

圖片及影片來源：尹光《Dear Myself》MV截圖

有型又夠潮，光B好嘢!《Dear Myself》中尹光以多個造型出現，集體回憶GO!少理阿爸爆炸頭造型神還原，好懷念尹光真係好潮呀

早前因「AI尹光」而爆紅的尹光，近日正式宣布11月於紅館開騷！

今次尹光又再搞搞新意思，除了化身「WAN K」新名，又以一身芭比粉紅造型拍攝個唱海報，相當醒神又超有型！莫非「粉紅教主」原來又有尹光份？

尹光在社交平台貼文興奮寫道：「大家準備好同我一齊High High High爆紅館未呀？！唔理係真人尹光定AI尹光，尹光WAN K. 宇宙巡邏演唱會，都應該可以滿足到你哋嘅訴求，呢鋪真係掂啊📣」

好期待啊！撲飛未啫？！

《尹光WAN K. 宇宙巡邏演唱會》
日期：2023年11月4日（星期六)
時間：晚上8時15分
地點：紅磡香港體育館
票價：$780 / $580 / $380 / $280
2023年9月12號上午10點 Trip.com 優先發售