近年在內地相當火爆的貴州榕江村超足球隊「回訪」，到香港迎戰香港明星足球隊，比賽昨晚在大球場上演，最終香港明星足球隊以3-1勝出。
雙方氣氛本來相當友好，唯獨是黃日華在場上特別火爆，他先飛剷對方球員，球證未有出示黃牌；之後另一個球員過去緊釘他，膊頭碰膊頭導致黃日華倒地，他倒地之際連消帶打起腳踢人，球證只是出示一面黃牌警告，眼見黃日華開始「起火」，「校長」譚詠麟連忙過來勸開，評述員亦為這個動作打完場「喬幫主仍然一身功夫」。
網民對黃日華起火踢人給負評，認為跑不動踢不起就不要踢，甚至有更激進的網民認為，村超球員應該回敬他一腳！

校長譚詠麟早前為棠哥葉振棠紀念專輯錄音，事緣因為葉振棠明年2月踏入80歲，佢希望做一件有意義嘅事並回饋社會，因此棠哥將會與11位好朋友包括譚詠麟、劉德華、葉麗儀、張衛健、夏韶聲、 太極樂隊Joey Tang（鄧建明），雷有輝）、米雪、梁小龍、周吉佩及李佳等，合作重新灌錄葉振棠經典電視歌曲。

所有藝人不收分文，將所有收入扣除必要開支外全數捐贈予奧比斯眼科醫院，棠哥呢張專輯名為「葉振棠80’s後」，將會係佢他演藝人生中嘅最後一張個人專輯，呢張專輯計劃明年3月推出，由於歌手合約關係，只出版五千張限量紀念版，絕不加印，亦唔會收錄喺其他精選碟內！