中年好聲音2│陳燕娜甜唱《小玩意》獲讚好氣息高奪85分

東張娛樂

2023-11-13 18:53已更新：2023-11-13 18:58

歌唱真人騷《中年好聲音2》，周日晚（12日）晚播出的一集是第四部曲《廿六強勁歌金曲淘汰賽！》，經過一輪激戰，本回合的MVP是顏米羔，李榮耀和陳麗媚則被淘汰！

表現最出色的選手是陳燕娜，以白色單邊露膊裝上陣的她，獻唱天后彭羚的《小玩意》，她解釋唱這首歌的原因：「過去都係唱慘情歌，成日苦口苦面，今次想挑戰自己唱得Sweet少少同埋開心啲。」燕娜甜美的演出，最終獲得85分佳績，是昨晚獲得最高分的選手，張佳添大讚：「要讚你嘅氣息，呢首歌最大挑戰係要用好靚嘅氣唱好長嘅句子，第二個挑戰係要有好靚嘅頭聲，只要一唔靚成件事就會冧檔，我覺得好Enjoy。」

Amanda則說：「呢啲歌要用陰力，你係用到嘅，我好開心好欣賞，同埋玩真假音要不斷練習，你都算係高水準！」

中年好聲音2｜黃劍文梁浩賢畫重眼線化身Rock友車婉婉笑爆：好似變咗街童！

東張娛樂

2023-12-05 15:33

歌唱真人騷《中年好聲音2》，周日（3日）晚播出一集是第五部曲《廿四強導師分組賽！致敬傳奇巨星！》下半場，評審團除了有肥媽、伍仲衡、張佳添和周國豐外，還有關心妍（Jade）暫替陳慧嫻出任評審。

藍組的黃劍文、梁浩賢合唱《喜歡你》，原來韋綺姍對學員咬字要求甚高，賽前還要求學員錄讀歌詞的聲帶給她，韋綺姍指大部分學員都很聽話，惟浩賢沒有照做，浩賢即時認衰仔說：「唔會有下次！」畫眼線化身Rock友的黃劍文、梁浩賢一唱一和，默契十足，婉婉笑言唔認得劍文：「好似變咗街童，差塊滑板就可以去踩板！」

張佳添說：「唱Rock版《喜歡你》係OK嘅，但首歌始終係Rock Ballad嚟，我Feel到Rock嗰Part，但Feel唔到Ballad。」伍仲衡則說：「劍文你啲哭腔進步咗好多，不過你硬係每句都有一粒，搣埋嗰粒啦！」