歌唱真人騷《中年好聲音2》，周日晚（12日）晚播出的一集是第四部曲《廿六強勁歌金曲淘汰賽！》，經過一輪激戰，本回合的MVP是顏米羔，李榮耀和陳麗媚則被淘汰！

有喜亦有悲，來自馬來西亞的陳麗媚獻唱《千個太陽》，可惜表現並未獲評審青睞，最終只獲得74分，令到獲得75分、坐足成晚危險區的沈宗賢逃過被淘汰命運，惟同是來自馬來西亞的宗賢卻高興不起來，更忍不住爆喊說：「我真係冇諗過係佢，因為我哋兩個都係馬來西亞人……我覺得佢唱得好好。」麗媚進入危險區後，即時與宗賢攬攬並安慰道：「好驚我哋兩個都出局，唔緊要啦，起碼仲有一個（馬來西亞）代表，係咪先？」

26名選手演出完畢後，最終獲得73分的李榮耀和獲得74分的陳麗媚被淘汰，身為懲教主任的榮耀除了感謝家人的支持，還非常感謝一班同事的幫助和鼓勵，獲女兒到場支持的陳麗媚則說：「我個女難得嚟到，但媽媽就攞唔到好成績，不過我真係盡咗力，同埋好開心識到你哋（指一班參賽者）。」

歌唱選秀節目《中年好聲音2》21 強正式誕生，喺兩集導師分組賽中，紅藍綠三組學員嘅心情可以話好似搭過山車一樣，由韋綺姍帶領嘅藍組上集分數最低要淘汰尹新杰，呢集卻迎嚟第二季節目入面最高分數嘅舞台，「中聲Adele」安雅希憑張國榮金曲《今生今世》獲得93分，而佢亦同時獲封MVP。可以唱到連嘉賓評判關心妍都感動落淚，同獲得俾分相當手緊嘅伍仲衡嘅認同，安雅希表示: 「好Surprise 好Shocked! Rita老師好似媽咪一樣，好辛苦每日都陪我哋練歌﹐歌詞、情感、畫面、拍子、包括髮型，Rita都手諗。」

而上集分數最高嘅紅組竟然喺呢集分數最低，無奈林偉璣要被淘汰，節目中作為導師嘅谷婭溦自責到喊，指自己未能兌現令全員晉級嘅承諾。有個咁上心嘅導師，林偉璣都話就算被淘汰都覺得呢個經驗很寶貴: 「短短兩個星期入面，Vivi老師令到我有很多改變，很多提升，反而這次得多過失。」而谷婭溦就話呢個真係一個速成班，見到學員嘅表現覺得好欣慰。

總括兩集綠組總分最低，簡潔明也要離開中聲嘅舞台，作為導師嘅彭家麗就話各位學員都交到功課，將個幾星期學習到嘅東西發揮出來，Kitty簡潔明就多謝大家支持中聲家族，大讚台前幕後都好有愛。

21 強選手曾蜜詩、林若盈、王玥、朱博文、鄭梓浩、陳燕娜、麥素華、陳蒨葶、劉可、顏米羔、陳俞霏、王學琳、安雅希、沈宗賢、周碧嘉、袁思樂、黃劍文、梁浩賢、古淖文、劉威煌、譚輝智會繼續下輪比賽。