婚後的吳業坤積極搵錢，拍劇拍戲、唱歌、商場騷及舉辦演唱會，早前播放的電視劇《香港人在北京》與戴祖儀的CP組合亦大獲好評，坤哥乘勢邀請對方出席內地音樂會，二人台上互笑互窒，默契十足。

坤哥今次在順德舉行《Landing巡迴音樂會》，唔少得唱出他的經典歌《原始心態》和《百姓》外，他更用心以一連串廣東歌，由連詩雅的《到此墜落》，緊接著Dear Jane的《到底發生過什麼事》、JW的《矛盾一生》、MC張天賦的《記憶棉》、陳柏宇的《別來無恙》 、林奕匡的《高山低谷》、鄭欣宜的《女神》、林家謙的《一人之境》和Supper Moment的《幸福之歌》，最後歌曲則來自許廷鏗的《青春頌》，務求以音樂化成種子，用坤哥「精選歌」陪伴大家度過低谷，更想令內地樂迷知道，香港樂壇還是有好多好歌和實力歌手。

嘉賓方面，坤哥請來因電視劇《香港人在北京》被形容為「寶石CP」的好拍檔戴祖儀，二人合唱了《想跟你好好道別我怕來不及》外，台上又互窒，坤哥先以「大力祖儀」介紹對方出場，當戴祖儀分享覺得自己最近有瘦時，坤哥更加懶回覆，直接話：「唉！我聾咗，交合台俾你，我走喇！」，後來談到劇集角色受歡迎，坤哥認為可拿「最佳男主角」時，戴祖儀不客氣回覆：「咩你係男主角？」笑爆全場！

今次坤哥內地巡迴音樂會一共三站，分別是廣州，順德和東莞。前兩站的反應非常熱烈，開售不久便售罄，現第三場即將開售，歌迷也是急不及待地等待著消息。而這次坤哥音樂會是全新的主題「Landing 」，意思是坤哥在2022年後重新出發，簽了新的經理人公司邵氏兄弟，新的唱片公司TVB Music, 以及完成了他的人生大事，成家立室了，整個人生及事業也腳踏實地的「著陸」了一樣，因此萌發了這個音樂會的主題，藉著這個主題也分享給歌迷他人生中正在經歷的感想。

TVB台慶劇《新聞女王》噚晚（7 日）呢集發生嚴重事件，為爭做Prime Time主播走火入魔嘅許詩晴Cathy（高海寧飾），以直擊警方搗獲賣淫集團行動作為Prime Time主播交換籌碼，即使明知曉薇（何依婷飾）妹妹曉欣（陳若思飾）牽涉其中，仍堅持以進擊手法報道；最終曉欣因為逃避警方追捕意外墮樓兼遭途經車輛撞斃，當時坐喺SNK主播台嘅曉薇全程直擊事件…曉薇透過大螢幕親眼目擊妹妹被追捕及墮樓一刻相當震撼…

Cathy帶隊直擊警方掃黃。點知撞正曉薇個妹曉欣。Cathy見到時個樣有啲嘢。曉欣落荒而逃時跌咗個手袋。

今晚（8號）呢集以幻覺形式喺停屍間指摘曉薇一幕，陳若思演得肉緊；原本雙眼緊閉、面無血色嘅曉欣、 先係一面鄙視反問曉薇：「家咩姐啫，你有認過我哋咩？由細到大你都睇我哋唔起。」之後曉欣再咄咄進逼：「就算你呃到全世界，你都呃唔到我，呃唔到你自己， 你估你真係主播？！」陳若思受訪時透露原來是次繼《痞子殿下》後第二次扮屍體，笑言最難忘有利是收。談到突然彈起鬧爆依婷，陳若思透露背後笑料百出：「因為要對住Cam Man拍大頭，我一擘大眼 cam man就話嚇死佢，我覺得好搞笑，估唔到原來呢幕播出後嚇到唔少網民，我覺得好開心好對唔住大家。」

曉薇目擊阿妹被警察追捕、仲要險象環生，曉薇諗住打番畀阿妹，曉薇因做緊直播聽唔到電話。曉薇目擊阿妹被警察追捕、仲要險象環生，曉薇諗住打番畀阿妹。曉欣由高處跌落地面，逃走過程，一步一驚心。曉欣不幸畀車撞。

噚晚播出嗰場追逐戲，陳若思透露難度極高，拍完更有少少發燒：「簷篷逃跑嗰場戲，我喊住咁跑咗好多次，其實本來劇本寫我打電話嗰個位冇話要喊，但我第一次睇劇本時已經好心痛，背對白時我已經盡量唔去諗畫面，但到正式拍嗰日，我一講呢啲對白、一諗起我（劇入面）媽咪可能以後要一個人生活，我就喊咗。因為要連戲，就變相要一直喊住逃跑，喊咗唔短時間；拍完第二日有少少發燒，我諗係因為成個人精神十分崩潰。不過我今次真係盡咗100分嘅力去做，有人讚我真係覺得好開心。」陳若思笑言佩服工作人員能搵到呢位童星：「我收到好多comment話佢同我嘅樣貌同講嘢語氣好似，證明幕後好有心機去搵演員。」

見曉薇傷心得不懂反應。即使平時視專業為命根嘅Man姐亦心痛曉薇及曉欣。Cathy都嚇到呆咗。曉薇收到警方通知曉欣嘅死訊，崩潰爆喊。

另一焦點落喺「演技擔當」佘詩曼身上，上述事件完全展露出Man姐（佘詩曼飾）對曉薇重情重義一面，阿佘「層遞式喊功」令場口感染力倍升。向來緊張曉欣嘅Man 姐，當知道新聞主角係曉欣，為免情緒激動嘅曉薇影響直播，先作出危機處理免曉薇失態人前；之後當睇到曉欣被車猛撞，Man姐含住滿腔淚水、強忍傷痛紅住雙眼、以堅毅但溫柔嘅聲音勸曉薇要堅強：「曉薇你聽我講，幾壞嘅情況都好，坐得主播位咩都要報，個世界唔會因為你而停，捱埋個end cue佢，好快去廣告。」眼見曉薇傷心得唔識畀反應，即使平時視專業為命根嘅Man姐不忍強逼曉薇，心痛曉薇及曉欣、密集式嘅淚水一再奪眶而出，礙於直播仍要繼續，Man姐出力平伏情緒後哽咽地將end cue分配給佐治（馬國明飾）。

今晚呢集 Amber 喺停屍間彈起一幕，真係幾有效果同驚嚇。

比起之前兩幕喊戲，阿佘呢幕喊出更複雜層次，透過微表情變化清楚表達各樣情緒轉換，難怪獲封「微表情女王」，網民留言「佘詩曼哭真的感動」、「阿佘老師，演技絕了」、「Man姐那滴淚差點以為是她妹妹」、「看著Man姐也跟著她落淚」，亦有網民大讚場口配以炎明熹主唱嘅片尾曲《Crystal Clear》感染力倍增，大讚炎明熹係神助攻！

Man姐剛開始強忍淚水叫曉薇要堅強，最後連佢自己都失陷，忍唔住落淚！

台慶劇《新聞女王》逢周一至五晚八點半翡翠台播映