由寰亞娛樂、東亞娛樂、Player One主辦的保誠保險呈獻 《Leon黎明紅館演唱會 2023》昨晚於紅館開始一連演出十場。早前曾披露今次Leon的演出會打造巨型雷射天幕，讓觀眾感受到前所未有的官能刺激，場館內70支雷射燈，配合巨型屏幕，營造出獨有的特效，加上Leon每一首耳熟能詳的「明曲」，震撼紅館，亦震撼觀眾眼球。
首場演唱會全場爆滿，坐無虛席，觀眾的螢光棒充斥整個紅館。晚上八時半，身穿黑色禮服的Leon以一曲《孤單的人孤單的我》為演唱會揭開序幕，適逢今年是兔年，早前發佈的演唱會海報以及宣傳短片均見到Leon手上抱着可愛兔仔。兔仔今次亦在演唱會大屏幕多次出現，更揮動着紅蘿蔔伴着Leon唱歌，觀眾大呼可愛。
緊接唱出《情》後，Leon跟觀眾打招呼說：「大家好，我哋又喺香港見面，其實一直冇走過。今次舞台改動過好多次，因為要符合規格，整吓整吓我就上咗嚟上面。但大家工餘時間都會成日耷低頭睇手機，而家可以昂高頭向上望吓，今晚返去會瞓得好好。」
今次Leon演唱會製作團隊不惜功本，將部份座位封閉設置雷射燈，巨型屏幕的視效再配合龐大的雷射燈設計效果，在結構及製作上的複雜程度，亦打破紅館過往紀錄，為觀眾帶來不一樣的紅館新天空及超震撼的視覺觀感，入場觀眾不論身處哪個角度，均可零死角欣賞到這個完美天幕。 除了嶄新的視效，演唱會亦有不少新元素。Leon演唱《DNA出錯》時，舞蹈員大跳美劇《Wednesday》的中爆紅的魔性喪屍舞。Leon這次的選歌也讓歌迷感到驚喜，有幾首舊歌以往甚少在演唱會演唱，如《感應》、《情歸於盡》、《傳情達意》、《情難自控》等，其中《顧家》（同居版）更是首次在演唱會唱出。
及後， 換上藍色禮服的Leon唱出《忘記和記》、《火舞艷陽》，大屏幕上的視效隨着每首歌不斷轉變。演唱《長情》一曲時，海底視效充滿立體感，Leon如置身海底演唱，觀眾大讚畫面絕美。歌迷難得跟Leon見面，十分熱情，準備鮮花禮物
，Leon都呼籲大家不要送禮，捐款到公益金好了。
演唱會尾聲，Leon說：「我都冇乜嘢好講，好多謝大家來臨，今日星期二，聽日要返工做嘢，多謝晒大家。」他獻唱最後一首歌《我的親愛》，歌迷齊齊大合唱，演唱會在快樂的歌聲及氣氛中完結。另外，首場不少嘉賓捧場，包括寰亞老闆林建岳、契爺胡楓、劉鑾雄與甘比、邱子傑與太太、DJ Vani、梁文禮、急急子及梁泰來等。

陳蕾將於明年2024年3月假紅館舉行其首個個人演唱會，今日演唱會海報率先面世，造型非常驚喜，睇到歌迷都嘩嘩聲！事實演唱會海報之中，是一個全新造型的陳蕾，一頭長長白髮，頭頂「念」字發出紅光，粉絲紛紛大讚非常有型。

是次這個白髮造型，陳蕾表示自己個人是非常非常之咁喜歡，創作過程也有參與構思，「我當時同同事講，《沙門》演唱會之後，由《世界與你無關》之後的歌，全部都係黑暗中有道光的感覺，個海報背景可以好黑暗，我個人個妝就好白，我就係個道光嘅感覺。最終就有咗依家見到嘅白髮陳蕾，人生第一次紅館演唱會，都希望 oster上有耳目一新嘅感覺，會質疑呢個係咪我嚟㗎就最好。我想將自己塑造成一個純白狀態，話俾大家知，無論個世界幾黑暗都好啦，我願意成為你嗰道光！」 
 
演唱會海報曝光之後，陳蕾謂第一眼見到設計師把「念」字放在一個紅色像瞳孔的物體上，更暗自開心偷笑，「我係諗，唔通佢都係fans？因為我諗個演唱會名「念」都係同動漫全職獵人《HUNTER×HUNTER》有關，《HUNTER×HUNTER》入面有個角色古勒比加，佢一憤怒眼睛就會變為紅色，設計師又用咗個紅色圓形圖案圈住個「念」字，所以我超鍾意。好多謝團隊做咗個咁好嘅設計效果比我。」

第一次做紅館演唱會，反應勢如破竹，陳蕾感受到有壓力沒？陳蕾笑謂，因為內部認購反應好，壓力反而少左，通常壓力都係開騷前一個月先會來到，即日開始會做好自己身形管理，聲音管理，體能管理等等，免得有臨急抱佛腳的緊張，成個人Ready好就會減少心理壓力，可以做得更好：「演唱會我希望可以視覺上，音效上都帶俾大家一個沉浸式體驗，唔會有悶場，絕大部份先用音樂去交流，之後Encore環節先用打機來同大家再交流，哈哈....」