麥明詩結婚丨主動向盛勁為求婚贈21萬元起跳名錶予未婚夫 即睇追加沙灘婚照

「十優港姐」麥明詩與飛機師盛勁為終於認愛，還於昨晚公開「雙方」求婚的片段和過程，你無睇錯，是Louisa主動向盛勁為求婚，來個反傳統，待嫁新娘子果然有美貌又有智慧！

二人昨晚均在社交平台報喜，盛勁為撰寫長文講述兩人相識經過，更大爆是Louisa主動向他求婚。在盛勁為甫出的短片所見，麥明詩以名錶取代鑽戒，在親友見證下公開向盛勁為求婚，而Louisa所送給男友的禮物，據知是是瑞士鐘錶品牌愛彼（Audemars Piguet），為品牌經典的皇家橡樹系列自動上鏈腕錶，鋼錶殼及鍊帶款式，定價至少要21.5萬港元！

待嫁新娘子Louisa幸福報喜後，她在社交平台透露當日求婚心情：「Ummm⋯自己經歷過之後，感受到求婚其實好大壓力，嗰日好緊張真係唔容易。」Louisa又感激指：「好多謝幫我保守秘密咁多個月嘅朋友⋯⋯」另一方面，其實盛勁為都有向Louisa求婚，還在悉尼沙灘上跪地，送上巨型「玩具鑽戒」，非常搞笑。

Louisa最新亦乘勢加推二人的沙灘結婚相，並有盛勁為搞笑「被求婚」的短片，相片的片段還看到多張盛勁為的「肉照」。原來短片又借用馮允謙《給你幸福 所以幸福》一曲，好冧呀！恭喜晒！

圖片來源：麥明詩、盛勁為IG

估你唔到！主動出擊向盛勁為求婚 贈21萬元起跳名錶予未婚夫
二人有沙灘婚照，隨意但浪漫！盛勁為「被求婚」片段。