Twins演唱會|阿Sa蔡卓妍握手時巧遇初戀男友超驚喜!

Twins演唱會|阿Sa蔡卓妍握手時巧遇初戀男友超驚喜!

蔡卓妍(阿Sa)自去年與富三代石恆聰結束六年情,回復貴族後寄情工作,近日,Twins紅館演唱會《TWINS SPIRIT 2024》進行如火如荼,想不到連阿Sa的初戀男友亦有現身!

據網上流傳的演唱會片段所見,阿Sa在握手環節唱出《神奇兩女俠》期間,忽然在前排觀眾群中發現舊愛身影,她即駐足指着對方驚喜大叫:「喂!好耐冇見喎!」。未幾,蔡卓妍再停低指着對方大笑:「喂,我初戀男友呀,哈哈!」

由於影片從高處拍攝,只見到蔡卓妍在台上的反應,一眾網民紛紛好奇初戀男友廬山真面目:「所以她的初戀男朋友是誰」、「長啥樣啊,帥嗎?感覺人怎麼樣?」、「求正面照好奇」。另有另一角度的影片流出,令疑似蔡卓妍初戀男友容貌曝光!他更背着舞台與忙於握手的阿Sa自拍,非常好笑。

圖片來源:網上圖片

阿Sa蔡卓妍握手時巧遇初戀男友超驚喜!阿Sa蔡卓妍握手時巧遇初戀男友超驚喜!阿Sa蔡卓妍握手時巧遇初戀男友超驚喜!

阿Sa蔡卓妍公開演唱會絕密片段!感激歌手好友幕後伴唱14場「打大佬」!

Twins演唱會早前圓滿落幕,「阿Sa」蔡卓妍一完演唱會,即刻飛往泰國度假差差電!日前,她趁農曆新年假期,有時間重溫演唱會絕密片段,並撰寫長文回顧演唱會點滴。

阿Sa撰寫長文說:「農曆新年假期你哋點過呀?呢個假期我嘅節目非常豐富,狂食狂瞓,打吓牌、吹吓水、去吓旅行、拜吓年咁啦!呢兩日先至有少少靜落嚟嘅時候,撳吓個相簿,睇返好多喺舞台上面嘅片段同埋相,有啲掛住演唱會嘅日子㖭。」阿Sa逐一多謝一班在演唱會期間默默付出的工作人員,還有工人姐姐、司機阿權、幫手洗衫的工作人員Michael每一天的照顧和協助。

阿Sa提到自己聲帶受傷已經數年,更點名感激好友曾樂彤於後台幫忙伴唱「打大佬」:「我仲要非常非常多謝曾樂彤,1月20號第一次上台總綵排之後,我個人可以話灰到一個點。我把聲仲未可以控制得好好但第二日已經係show day,佢本身係嚟幫手影吓相又做吓觀眾,但佢知道我嘅擔憂之後,就自告奮勇話陪我一齊唱unison。第二日當佢把聲輕輕喺我耳機裡面出現,我又真係好似輕鬆咗喎。個感覺係好似打機,有人陪你一齊去打大佬咁,第一日完咗show,我落台後即刻攬住佢喊。大佬呀!觀眾聽唔到佢把聲㗎!剩係得我一個聽到,咁樣佢都肯陪我唱足14場,仲唱到聲都沙埋,實在太偉大喇!而我亦都可以慢慢將佢把聲喺耳機度一日比一日咁調細聲啲,我真係超級無敵感謝佢,大恩大德無以為報。」阿Sa最後亦說:「就係有佢哋每一個嘅幫助,我先可以咁大無畏放心地去完成呢個挑戰!好好好好多謝你地。」

曾樂彤亦有窩心回覆阿Sa:「在心中❤你對我同對身邊人嘅好天知地知大家知,我係去報恩㗎,愛你喲。」兩姊妹感情真係好好。

圖片來源:蔡卓妍IG

阿Sa蔡卓妍公開演唱會絕密片段 阿Sa蔡卓妍公開演唱會絕密片段 阿Sa蔡卓妍公開演唱會絕密片段 阿Sa蔡卓妍公開演唱會絕密片段 阿Sa蔡卓妍公開演唱會絕密片段曾樂彤一直為阿Sa伴唱!

 相關推薦

熱門搜尋