Twins演唱會有片｜第12場「用尾場的力」落力表演 安歌特別嘉賓關智斌駕到！

Twins紅館演唱會《TWINS SPIRIT》，不知不覺已經接近尾聲，昨晚來到第12場，未終極加場之前，原來此場數是孖妹的尾場。所以，昨晚TWINS也很公平，實行「用尾場的力」去答謝搶到這場珍貴門票的觀眾！

由於孖妹今次演唱會原本沒有設定嘉賓，但為了粉絲們一大驚喜，安歌時請來了特別嘉賓關智斌(Kenny) ，全個紅館已經被尖叫聲炸裂，超級誇張。昨晚安歌一輪後，阿SA(蔡卓妍)跟觀眾說，「以往我哋每晚安歌的經驗，有一首歌一講個名紅館就地震咁。有份唱呢首歌個人，今晚都嚟咗呀！」語畢紅館即刻叫聲歡呼聲炸裂一樣，阿SA即起哄帶觀眾大叫「關智斌！關智斌！」而Kenny就由第一行觀眾直接跳上台，「大家好嘛！我把聲沙沙哋呀！大家ok嘛？」阿SA:「唔緊要啦，你係唔會聽到自己唱乜㗎，因為佢哋好大聲㗎！佢哋每晚郁都好似要『鍊』贏我哋㗎！哈哈！」阿嬌:「你係我哋第一個嘉賓呀。我哋今次演唱會係冇嘉賓㗎！」

Kenny笑說: 「 我可唔可以扮轉上嚟呀？比我感受下真正嘉賓待遇，再得到大家歡呼聲！」接著，三人一同演繹了《死性不改》，全場萬人跟著大合唱。唱完之後，Kenny表示在TWINS演唱會的歌迷特別年青，全部都Natural High，阿嬌: 「我哋咪長生不老藥囉！係咪覺得回春咗？大家唱多啲我哋啲歌就好young㗎啦！佢哋每晚你段片出嚟都大合唱你嗰首《LALA世界》呀！」接著觀眾即刻興奮起哄，而台下MANI更大叫Kenny表現側手翻，

《TWINS SPIRIT》眨眼就只剩下兩場演出，阿SA、阿嬌昨晚於台上都表示開始不捨得了，雖然很累，但孖妹已經開始有演唱會後遺症，阿嬌更說，因為晚上不停翻睇自己演出的片段太開心訓唔著，「我依家好鐘意開演唱會呀！」阿SA : 「咁不如我哋第日再開一個side tracks演唱會啦，我發覺我哋好多歌，佢哋晚晚點，SIDE到唔SIDE都識唱，根本就唔係side tracks都係HIT歌。」

第12場「用尾場的力」落力表演 安歌特別嘉賓關智斌駕到！第12場「用尾場的力」落力表演 安歌特別嘉賓關智斌駕到！第12場「用尾場的力」落力表演 安歌特別嘉賓關智斌駕到！