美斯無上陣｜黃嘉樂對球王失場百般無奈：真心覺得呢一個係公關災難

國際邁亞密日前（4日）與香港隊進行的表演賽，球王美斯失場，引起軒然大波，更令不少專誠去捧場的圈中人球迷，失望而回。

黃嘉樂日前現身劇集《本尊就位》宣傳活動，講到最後因為球王失場，而令其球隊國際邁阿密表演賽，在全場一片噓聲中結束。嘉樂接受其他傳媒訪問時無奈表示：「其實係人都知呢場足球係表演賽，只要落一落場成件事就解決晒，直頭係完美解決晒所有嘢。成件事出到嚟係會唔係咁好。不過講真佢哋呢啲國際隊伍，喺合約方面一定係好保護自己，只要因身體理由就可以唔使落場。而家我就最擔心個主辦單位，之後美斯佢哋會去日本踢友賽，如果美斯到時落場踢，就會變成國際事件。」

嘉樂續說：「成件事我都諗唔明，呢場波只不過是場商演嚟，就好似我哋藝人咁，如果自己唔舒服咪喺台度，同大家講自己唔舒服，表明自己盡力去唱，成件事就咁解決咗，真心覺得呢一個係公關災難。」