《春浪音樂節》香港站陣容強勁 張敬軒成香港代表登陸春浪蕭敬騰「雨神」紀錄可破?

《春浪音樂節》香港站陣容強勁 張敬軒成香港代表登陸春浪蕭敬騰「雨神」紀錄可破?

《春浪音樂節》多年來深受樂迷支持,2024年4月6至7日,終於移師到香港安盛x竹翠公園舉行,勢必成為樂壇盛事!2024《春浪音樂節》香港站演出陣容強勁,除了頂流歌手蕭敬騰、A-LIN、戴愛玲、小宇宋念宇、艾薇等,張敬軒、RubberBand成為香港代表!

頂流蕭敬騰、A-LIN、戴愛玲、小宇宋念宇、艾薇等表演嘉賓,固然成為網民焦點,未開賣門票已有討論講搶飛,認真誇張!蕭敬騰就話掛住香港樂迷,加上他一直有「雨神」稱號,主辦單位「溫馨提示」粉絲帶雨具入場:「其實香港的Fans一直超熱情,希望用尖叫聲換來好天氣,香港站可以打破下雨的記錄吧。」至於好久沒到香港演出的小宇,以及初次到香港演出的艾薇,已經開始想念好久不見的香港歌迷,和久違的香港美食了!

A-LIN期待訪港時「飲飲食食」,與Fans街上偶遇:「很期待去香港演出,距離上次到香港已經很久的時間,希望在這一次的演出能夠再見到熟悉的歌迷朋友們,香港~我來了!」

而一向玩得的「軒公」直言非常期待,希望將《春浪》熱情帶來香港:「因為場地近海邊,希望可以將春浪墾丁站海邊音樂節元素,帶比香港嘅入場觀眾享受!到時大家入場可以玩得High啲!唔知佢地有冇其他海外站嘅表演,可以嘅Mark埋我玩,我當同大家去旅行放吓假!」

RubberBand的6號,就話未曾參加春浪演出:「《春浪音樂節》係台灣其中最具代表性音樂節,我地幾個咁多年嚟都好希望可以參加一次。一個可以run咗咁多年又咁有影響力嘅音樂節,無論對band仔定樂迷,都有好大嘅吸引力,今次主辦單位將春浪帶到嚟香港,相信唔只我地急不及待,樂迷都一定非常期待!」


春浪音樂節 (香港站)詳情:

演出日期 || 2024年4月6-7日
演出時間 || 3PM – 10:30PM
演出地點 || 安盛x竹翠公園  | 

門票票種
早鳥雙日票 HKD 1398 (998區 | 企位 | 兩天) 
貴賓單日票 HKD 1398 (坐位)
公眾單日票 HKD 998 / 698 (企位)
公眾雙日票 HKD 1598  (998區 | 企位 | 兩天)

張敬軒|宣傳照The Hertz|宣傳照

吳浩康與張致恆相提並論感唔開心 回憶人生低谷做「真漢子」獲讚受之有愧

吳浩康與張致恆相提並論感唔開心 回憶人生低谷做「真漢子」獲讚受之有愧

吳浩康(Deep)呢日接受電台節目《舊日的足跡》訪問分享首日喺地盤開工嘅難忘經歷,回憶初出道由走紅到人生低谷嘅往事,並感激好友陳國坤仗義相助,Deep為養家「能屈能伸」,由去年3月開始化身成「職安真漢子」,努力擔起頭家搵錢,對於做「真漢子」獲外界讚賞,Deep坦言受之有愧,佢感激喺人生低谷得到好友陳國坤兩肋插刀。

香港電台《舊日的足跡》節目主持車淑梅與吳浩康

Deep面對酷熱天氣,穿帶風扇嘅上衣降溫開工,佢最難忘係開工第一日,正值剛通關,大家報復式地回鄉探親,羅湖站使用率非常高,佢要去羅湖站化糞池污水處理嘅倉進行搭架工程,Deep續言:「旁邊過去幾天旅客使用完嘅一缸污水。當時我只想做好眼前嘅工夫,每件事要專業地做好。」

Deep面對酷熱天氣,穿帶風扇嘅上衣降溫開工。

Deep喺2002年初出道時走勢不錯,更被稱為「陳奕迅接班人」,Deep坦言呢個講法猶如而家指佢係好爸爸咁,令Deep覺得受之有愧,回想當年喺多個頒獎禮中只獲新人獎銀獎,Deep指自己當時好囂張,認為「你的歌多人聽,還是我的歌多人聽?講完」,但係公司解釋每個台有自己喜愛的人選,Deep回想:「軒仔(張敬軒)係港台人,所以我輸畀佢, 但佢而家真係好勁,我望塵莫及。佢由被忽視一直做到成為今日嘅張敬軒,呢份堅毅好厲害! 當年佢冇朋友,我就做佢朋友,而家我哋仍係朋友。」

Deep讚張敬軒由被忽視一直做到成為今日嘅張敬軒,呢份堅毅好厲害!

Deep與另一圈中人陳國坤亦係識於微時,喺低潮期間更獲對方拔刀相助:「我們16歲時喺水上樂園認識, 我唯一借過錢嘅人就係佢,借過幾萬元。有一次我哋喺拍攝劇集造型時遇上,佢話:『掂啦!開工啦!』我笑言:『呢排掂。』佢鼓勵講兄弟從來都掂,唔係淨係呢排, 令我好感動!欠佢嘅已經還咗一啲,我會繼續還。」

吳浩康於2023年宣布告別合作20年的公司英皇,正式成為獨立歌手。

Deep認為當年喺呢行係輸喺自己負面新聞上。「嗰件事(藏毒被捕一事)我印象好模糊, 04年距今已20年,那些年我經歷好多起起跌跌,呢個教訓已消化過無數遍。坦白講當日被捕係救咗我一命,否則我應該食死咗。我勸籲年輕人勿恨錯難返……罰款係小事,出街被罵先係大懲罰。他日我兒子喺網上睇到我嘅新聞,但我要向前行,現在每日有好多挑戰同責任。」 

吳浩康與郭思琳(Margiela)於2022年3月奉子成婚,同年宣布兒子在9月14日出世,阿仔目前已1歲幾。

Deep直言對外界常將自己同張致恆相提並論感到唔開心:「我哋10幾歲已經認識,現在大家 都做咗爸爸,我都曾經滄海,希望大家畀佢空間繼續生活。(可有建議他跟你入行地盤工作?)我有同佢談過,佢願意嘗試改變,相信佢會變,亦希望佢可以出嚟工作。我冇資格為佢講好說話, 至少佢冇一走了之,好多父母因為養唔到落去就會走。」 Deep備受讚賞,佢表示受之有愧:「我真的冇諗到,而家係我形象嘅新高點,冇奢望要大家覺得我形象好,好多事情依然做得不盡完美,但大家畀我鼓勵都係無比重要,多謝你哋畀我空間讓我去走我嘅人生!」
Deep直言對外界常將自己同張致恆相提並論感到唔開心。

熱門搜尋