中年好聲音2|王玥全白造型掀陳慧嫻昔日回憶

中年好聲音2|王玥全白造型掀陳慧嫻昔日回憶

歌唱真人騷《中年好聲音2》,周日晚(4日)播出一集是第九部曲《陳慧嫻金曲賽 喜氣洋洋賀十二強!》,本回合的賽制是14強選手輪流獻唱天后陳慧嫻的經典金曲,14強選手演唱完畢後,留在危險區的最低分2位,中二生將被淘汰!

本回合,本尊陳慧嫻更會細述每首金曲,背後鮮為人知的故事,當中以由廣播劇誕生的《我心不死》故事最為特別,慧嫻說:「當時電台搵人去作呢首歌,再搵Wyman(黃偉文)填詞,Wyman喺日本填歌詞時咁啱遇到地震,呢個地震引發到佢寫出天崩又地裂、點樣去求生嘅歌詞!」14強選手的出場次序將根據本尊陳慧嫻心水決定。

造型方面則以王玥最為搶Fo,戴上白帽、穿上白色長裙的她,甚有心思地以慧嫻昔日經典造型上陣,令慧嫻為之感動:「多謝你呀,呢個係80年代陳慧嫻Look。」王玥獻唱慧嫻人生首支單曲《逝去的諾言》,惟未能駕馭低音部分,慧嫻說:「你低音出唔到嚟,係咪有啲緊張,喉嚨好似勒住咗。」

伍仲衡說:「其實女仔歌嚟講呢個Key唔係好低,可能低音唔係你強項,咁你應該將隻歌升番Key,甚至乎揀過另一隻歌!」

中年好聲音2|留鬚黃劍文自彈自唱流浪版《我寂寞》 伍仲衡讚有王傑Feel

歌唱真人騷《中年好聲音2》,周日初二(11日)是第九部曲《陳慧嫻金曲賽 喜氣洋洋賀十二強!》下半場。

越唱越強的黃劍文再有好表現!自彈自唱的劍文演出《我寂寞》,大晒煙嗓唱出寂寞感覺,而他的留鬚流浪造型亦加分不少,慧嫻大讚:「恭喜晒你,呢隻歌你做咗好多功課,畀到嘢我睇、畀到嘢我聽,真係畀咗好多心機落去,呢樣值好多分,令我好感動。」

肥媽亦大讚劍文做足功課:「引用一句好老土嘅說話,海上扒龍船,岸上有人見,你真係有做功課。」伍仲衡則說:「自從《愛很簡單》個回合,已經覺得你返咗嚟,同埋你畀咗呢首歌新嘅面孔,有啲王傑嗰啲浪子Feel,好不羈,好鬼正呀你!」


 相關推薦

熱門搜尋