2024風生水起|吳若希被批命格是非多 麥玲玲提醒勿住鬧交屋:小就是非,大就官非!

2024風生水起|吳若希被批命格是非多 麥玲玲提醒勿住鬧交屋:小就是非,大就官非!

風水賀年節目《2024風生水起》,今周一(5日)至周四(8日)晚10點半翡翠台播映第四至第七集,第八集將於年初二(11日)晚10點播放。節目由薛家燕、陳懿德、許文軒及徐文浩擔任主持,並邀來著名堪輿學家李丞責、麥玲玲、元海、唐碧霞、黃楚淇為觀眾指點迷津。

周一晚一集「龍年開運搵師傅」,邀來吳若希(Jinny)任嘉賓,玲玲師傅指Jinny八字命格多衝擊,跟任何人結婚一樣都會磨擦多,並叮囑Jinny搵屋要謹慎:「唔好揀鬧交嘅屋,或擺設上多衝擊。你本身命格是非多,躺著也中槍,小就是非,大就官非。」

玲玲師傅先指屋內不要放太多公仔,容易招惹是非,同時要留意主人房廁所是否沖睡床,橫沖影響健康,直沖則影響夫妻感情;到底何為橫沖何為直沖,節目自有分曉。玲玲師傅又提醒留意廚房佈局,不宜太多反光物料,折射灶頭容易出現三角關係。她又教Jinny將女兒書桌移向西北文昌位,並擺放一種植物可增強子女讀書運!

2024風生水起丨吳若希向麥玲玲問姻緣運 笑言要搵真命天子

吳若希同老公嘅獨特相處方法,加上又有兩個可愛嘅小朋友,婚姻生活令人羨慕,但係佢呢日作客《2024風生水起》,竟然話要請教麥玲玲師傅姻緣運,笑言想睇下自己幾時可以遇到佢嘅真命天子,同晚亦要睇下老公有冇「沙沙滾」。吳若希指先撇除迷信,好多時好多嘢都需要師傅贈兩句,因為咁樣可以避免好多嘢。

去年喺劇集《香港人在北京》表現出色,更入埋視后五強,演技被受肯定嘅吳若希,好快又投入新劇《奔跑吧!勇敢的女人們》拍攝,令到以往農曆年會請假返鄉下嘅佢,今年就要留港開工。吳若希指兩個小朋友暫時對農曆新年仲未有概念,佢哋只係覺得會成大班人聚埋一齊食飯,同埋被迫講賀年說話,吳若希又笑言因為銀包縮水,所以希望兩個寶貝可以𢭃返過去兩年冇𢭃到嘅利是嚟進貢畀佢呀!

 相關推薦

熱門搜尋