狀王之王｜陳楨怡一出場即遭呷醋子羚揞心口零怯場

由張達明監製、林子聰任總導演、林子聰及韓辰辰任編審的《狀王之王》，昨晚（5日）一集繼續是「幽靈新娘案」，疑似富家千金林惠敏（鄧伊婷飾）屍體被尋獲，由於毁容嚴重，只能靠衣衫辨識身份。林惠敏丈夫湯文武（莫家淦飾）再度成為疑犯被押往審訊，其間爆出林惠敏另有奸夫驚人反轉，奸夫成最新嫌疑人。另宋世傑（王浩信飾）在仵作念珊珊（陳楨怡飾）幫忙下尋求新線索，發現林惠敏曾經生育，令案情再添轉折…

昨晚是首演古裝喜劇的陳楨怡（Celina）首度登場，她的出現將引發宋世傑太太玲瓏（姚子羚飾）連環打翻醋埕；昨晚玲瓏出手遮掩珊珊胸部確保宋世傑「非禮勿視」一幕，配以Celina的零怯場及詫異眼神，相當爆笑。談到劇中造型，Celina坦言洋裝、古裝各有特別，並謂最難忘是經常要隨身攜帶的藥箱：「以前啲藥箱原來成個用實木做，比較重，拍嘅時候可以順便練吓手臂力。」

Celina又透露為了演得更加神似，不但事前做足功課，還看了人生第一次中醫：「我去咗橫店中醫館度睇我人生第一次中醫，仲試埋針灸，我之前未試過，因為本身驚針。因為我拍劇都有施針場面，所以主要要體驗吓個流程。我另外都有睇啲關於仵作嘅劇，去學吓啲揸刀手勢同埋點樣處理啲解剖工具。」除了學手勢，Celina坦言還要背大量資料：「我劇入面有間中醫館，裏面有個百子櫃。拍之前我有去個中醫館度熟習環境，去記吓啲中藥擺喺邊，因為拍嗰時我要非常熟個櫃。另外我都要花時間記啲中藥名，有啲真係好長。」