有花絮片|劉德華現身舞台劇《你好,打劫!》尾場謝幕 讚楊偉倫演出引觀眾共鳴

有花絮片|劉德華現身舞台劇《你好,打劫!》尾場謝幕 讚楊偉倫演出引觀眾共鳴

《你好,打劫﹗》舞台劇六場演出,前晚(2月4日)假香港藝術中心壽臣劇院上演最後一場,觀眾反應熱烈,全場歡呼聲不斷,而出品人劉德華更特地前來支持,謝幕時又上台與導演張達明,六位演員包括楊偉倫(阿卵)、麥沛東(麥東)、魯文傑(Simon)、巢嘉倫(阿巢)、蔡頌思(Jocelyn)、黎逸正(Sunny),以及監製鄧永威(Amic)一齊向觀眾鞠躬致謝,華仔大讚今次演員們落力演出,並指今次作品好評如潮,期待未來再度公演﹗

《你好,打劫﹗》開演之後亦大獲好評,來到尾場華仔入場觀賞,親身感受觀眾反應。這套黑色喜劇借一宗劫案,反映基層生活的掙扎,箇中情節有笑有淚,對白引人共鳴,在阿卵和麥東帶領之下,全體演員演出相當精彩,引得華仔及觀眾們不時拍掌叫好。謝幕時,導演達明就特地邀請華仔上台,全場觀眾尖叫聲此起彼落,華仔更即場要求麥東重演其中一幕高潮戲,讀出基層市民生活中面對的種種費用,麥東:「管理費水費電費煤氣費冷氣費生活費,行政費交通費電話費,電話行政費數據費....」麥東氣定神閒,一口氣讀出近五十種生活費用,更貼合時事,讀出垃圾徵費,令全場拍爛手掌歡呼叫好。華仔、達明最後就帶領演員們一齊鞠躬致謝達兩分鐘,感謝觀眾熱烈支持。

華仔後台接受訪問時,表示劇團在疫情期間遇到不少困難,幸而在監製和導演帶領之下,完成一套讓觀眾開懷的作品:「我希望帶畀大家一啲關於我們身邊多啲嘅事,多啲情況的作品,畀大家真係喺生活上,雖然面對咁多壓力,都能夠透過個呢個劇得到少少解放。」阿卵和麥東亦同聲讚賞今次無論劇本,以至台前幕後都非常用心,希望演出為觀眾帶來反思,阿卵:「今次呢個合作入面好有趣啦,同大家一齊去創作,一齊分析劇本,一齊去到今日on show,我覺得我哋如果之後再做呢個劇,可以再繼續畀佢發展落去,仲有得再發展。」麥東:「就好似劉生所講,即係點樣可以令觀眾有嘢去思考,感覺關自己事,我作為一個戲劇創作者,都覺得呢個係需要,戲劇就係一種咁樣嘅嘢,令到觀眾可以思考自己嘅生活。」

作為導演的達明,最開心當然是見到觀眾熱烈的反應:「我好開心聽到觀眾嘅掌聲,阿華哥坐喺我附近,我聽到佢畀到好多掌聲,真係睇得好投入睇得好開心。」至於監製Amic亦有份客串外賣員一角,問到日後有機會重演,會否也安排華仔演出一角?華仔聞言即笑說自薦外賣仔這個角色。

有花絮片|劉德華現身舞台劇《你好,打劫!》尾場謝幕

陳蕾出道崎嶇14年終圓夢 紅館開騷瞓棺木喻重生

參加電視台選秀比賽正式出道﹐迄今已經14年嘅 陳蕾 終於一嘗所願首次踏足紅館,舉行一連四場演唱會。唔少圈中好友好似 洪嘉豪、Nancy Kwai(歸綽嶢)、梁祖堯、鄧麗欣、泳兒、王君馨、余香凝、廖子妤同男友「小野」盧鎮業都有現身欣賞,而當日一齊經歷比賽嘅星光一班戰友、容祖兒、張敬軒同成龍等都有送花祝賀。

洪嘉豪等大班圈中好友到場欣賞陳蕾首次紅館騷

表演一開始一頭銀髮、戴住白色有如婚紗頭飾嘅佢,坐喺十字架棺木造型嘅鋼琴前登場,自彈自唱一曲《我想和你好好的》為首次個唱揭開序幕。

戴住頭紗嘅陳蕾彈奏棺木造型鋼琴展開個唱序幕

陳蕾之後爬上鋼琴除去頭紗,一身鮮血躺於琴上獻唱《荒島之幻像》,再一口氣唱出《不想回家》、《娑婆》及《妖治時代》,舞台上又先後出現大型鬼怪裝置。今次演唱會由《死》、《惑》、《念》、《生》同《能屈能伸》四大主題組成。

陳蕾以別出心裁嘅構思創作今次個唱

第二部分《惑》以敲鐘聲同嗩吶聲展開,師妹 張蔓姿 現身為陳蕾鋼琴伴奏,換上黑色低胸裙嘅陳蕾非常性感。再喺鏡前唱出《當我迷失時聽著的歌》;然後再以木結他自彈自唱《其實沒那麼寂寞》。

第三部分嘅《念》由多位雜技表演者喺舞台上精彩演出,換上綠色連身裙、身披黑色長袍嘅陳蕾,喺離地4米半高嘅升降台獻唱《神的不在場證明》同《熒光》,觀眾亦以手上螢光燈同手機營造一片燈海。

強烈視覺效果襯托下令呢次演出更為矚目

陳蕾之後喺第四部分《生》,先後換上紅白格仔裙同白色吊帶短裙,又同16位小提琴手加上4位大提琴手,仲有現場樂隊一同演出。而唱到《Run Away》、《青年危機》、《窮人的薔薇》、《世界與你無關》同埋《相信一切是最好的安排》等hit歌時,台下唔少觀眾更熱情狂跳。

佢仲搞笑話好彩台下觀眾唔太嘈,冇影響自己演出喎

唱足整嘅晚陳蕾到演唱尾段終於開口,打招呼後仲搞笑話:「其實你哋氣氛啱啱好,如果你哋太嘈我係唱唔到歌,我諗好少有歌手叫人唔好咁大聲叫嘈住我唱歌,哈哈。我終於可以講嘢啦,我開騷導演唔會畀我講嘢㗎,話即刻冇晒氣質呀。」引來全場笑聲。

 相關推薦

熱門搜尋