2024風生水起|袁文傑愛隊阿仙奴有機會捧盃?玲玲師傅:紅色球衣較為佔優!

2024風生水起|袁文傑愛隊阿仙奴有機會捧盃?玲玲師傅:紅色球衣較為佔優!

風水賀年節目《2024風生水起》,周三晚(7日)一集,「龍年開運搵師傅」邀來袁文傑、職業足球員歐陽耀冲擔任嘉賓。身為星級球迷的文傑,自爆一周起碼睇幾十場波,家燕姐笑問:「太太有冇詐型,你睇波多啲定睇老婆多啲?」文傑即大放閃光彈說:「我睇乜,佢就跟住我睇乜!」

文傑再問到愛隊阿仙奴有否機會奪冠,玲玲師傅說:「今年九運降臨係離火運,紅色球衣較為佔優,所以紅色會着數少少。」拎着阿仙奴紅色球衣的文傑即喜上眉梢。另玲玲師傅教大家睇運動員面相,她指眉骨代表個人鬥志鬥心,眉骨高的人較大機會做運動員,而女人腮骨闊又代表甚麼?

2024風生水起|蔣家旻命格水泛木漂宜嫁外國人 葉念琛隨時參加《中年好聲音》?

風水賀年節目《2024風生水起》,周四晚(8日)一集,「龍年開運搵師傅」邀來導演葉念琛、蔣家旻擔任嘉賓。玲玲師傅直指葉導面相旺老闆:「你個命係好旺老闆,老闆搵佢做嘢,由小公司變大公司!」玲玲師傅更教大家睇旺老闆面相,耳頭形狀是關鍵所在。玲玲師傅又批葉念琛命格利金,適合音樂相關的工作,葉導笑言:「即係我要出道啦,等《中年好聲音》第三季啦,我唔好意思話去《聲夢》!」玲玲師傅指名字部首是「阝」、「金」及「氵」的藝人與葉導最合拍,到底誰是他的「真命天女」?

肖蛇的蔣家旻非常關心事業運,她被批龍年有較多機會出埠以及有男性貴人,至於姻緣運方面,玲玲師傅指家旻命格水泛木漂,適合較遠方之姻緣,到底家旻又能否接受?


 相關推薦

熱門搜尋