炎明熹再挑戰新造型 IG發新相金髮型格CHOK爆造型網民大讚似超模

炎明熹再挑戰新造型 IG發新相金髮型格CHOK爆造型網民大讚似超模

「Gigi」炎明熹近年人氣急升,現已穩座樂壇小天后寶座。近月她密密出席樂壇頒獎禮和電視台頒獎禮,曾以多個破格造型示人,引來大批網民熱議。

近日,Gigi在社交平台分享一輯新相,她一改招牌瀏海少女LOOK,換上一頭金髮色,加上CHOK爆表情,來一個型格造型上陣,氣場十足,令人驚艷﹗網民一致好評大讚似超模:「Gigi炎明熹嘅可塑性極高,是一個不可多得嘅未來之星」、「青春,就是無限可能,勇於嘗試同挑戰」,連陳煒都留言:「Wow有女人味喎🤩」。

圖片來源:炎明熹IG

炎明熹形象多變,青春無敵!炎明熹形象多變,青春無敵!近日GIGI以一頭金髮色型格上陣!

炎明熹個唱終極加場心情興奮 親自解謎新歡小蜥蜴真身

Gigi炎明熹 呢日現身電台為新歌宣傳,Gigi之前宣佈喺4月為處女個唱補場兼加場,由於銷情熱烈,再追加終極加場,真係可喜可賀。演唱會銷情理想令Gigi又驚又喜,雖然興奮又緊張,不過Gigi都好努力籌備開騷,佢話唔希望大家抱住高期望入場然後失望,仲預告連歌單都會有啲唔同,會選唱自己由細到大都好鍾意嘅歌,尤其自己18歲成人後,對歌曲有更深一層嘅感受,希望可以唱出更多共鳴。
 
Gigi近日推出新歌《透光者》, MV中佢要化身黑天鵝跳芭蕾舞,Gigi話大部分舞步都係free style,只有小部分排好嘅舞步,好彩自己有記熟steps,先可以呈現出導演想要嘅效果。
 
作為火星女孩,Gigi嘅愛好有時都好獨特,就好似佢對玩蟲情有獨鍾咁!不過Gigi最近亦因為新歡「小蜥蜴」而引起唔少猜測,呢日佢就親自解謎同大家講:「小蜥蜴係假架!」Gigi話冇可能將兩隻真蜥蜴擺喺同一個盒仔,自己一定唔會虐待動物,叫大家唔使擔心喎!

 相關推薦

熱門搜尋