有花絮片｜蔡潔入行十週年與粉絲辦慶祝會 以《就算世界無童話》鼓勵自己擁抱未來

今年二月，剛好是蔡潔入行十年，她日前舉辦粉絲聚會慶祝兼補辦生日，有來自廣州、沈陽、上海及新加坡粉絲出席。席間蔡潔唱了三首歌外，亦慈善義賣了她自己寫的兩本書《夢的轉場機器》及《有隻貓在芒果星》，為大樹下善待動物庇護站籌款，但估唔到平日文靜的蔡潔，竟在分享時一口氣說了四十五分鐘，即場聲沙！ 

聚會上，蔡潔揀選了自己第一次登台演唱的戴佩妮《你要的愛》及薛凱琪的《所有下雨天》，以代表她喜歡的天氣及寫書創作的心情，但當中以衛蘭《就算世界無童話》最有意義，蔡潔說：「不經不覺自己原來已經參與過超過30部電影拍攝，中間有好多等待和未知，到近年開始有機會拍劇，好開心好多角色獲得大家認同，更開心係知道有你哋支持，亦想多謝2017年認識嘅一班生死之交，佢哋帶我做義工，鼓勵我面對演藝路上的困難，幫我解開咗我一啲心結，佢哋送咗《就算世界無童話》呢首歌俾我，以陪住我走未來的路。」  

轉眼入行十年，面對一班一直緊隨自己的粉絲，蔡潔愈說愈多，道：「無諗過可以講到四十五分鐘，宜家把聲有啲沙，好多謝佢哋，就算我揀嘅係慢歌都一樣好好反應，應承大家未來我出歌或有活動會多啲安排大家出席。」

蔡潔入行十周年與粉絲辦慶祝會蔡潔入行十周年與粉絲辦慶祝會蔡潔入行十周年與粉絲辦慶祝會