2024風生水起|蔣家旻命格水泛木漂宜嫁外國人 葉念琛隨時參加《中年好聲音》?

2024風生水起|蔣家旻命格水泛木漂宜嫁外國人 葉念琛隨時參加《中年好聲音》?

風水賀年節目《2024風生水起》,周四晚(8日)一集,「龍年開運搵師傅」邀來導演葉念琛、蔣家旻擔任嘉賓。玲玲師傅直指葉導面相旺老闆:「你個命係好旺老闆,老闆搵佢做嘢,由小公司變大公司!」玲玲師傅更教大家睇旺老闆面相,耳頭形狀是關鍵所在。玲玲師傅又批葉念琛命格利金,適合音樂相關的工作,葉導笑言:「即係我要出道啦,等《中年好聲音》第三季啦,我唔好意思話去《聲夢》!」玲玲師傅指名字部首是「阝」、「金」及「氵」的藝人與葉導最合拍,到底誰是他的「真命天女」?

肖蛇的蔣家旻非常關心事業運,她被批龍年有較多機會出埠以及有男性貴人,至於姻緣運方面,玲玲師傅指家旻命格水泛木漂,適合較遠方之姻緣,到底家旻又能否接受?


中年好聲音2|安雅希合體黃洛妍再獲MVP 古淖文Archie談情緊追輸一分 苦盈包尾無奈出局

歌唱真人騷《中年好聲音2》,星期日晚播出最終樂章.序《九強戰!聲夢學員中二合唱!》,10 強選手同《聲夢》學員合唱爭奪9強席位, 肥媽 伍仲衡  張佳添 周國豐 同 陳慧嫻 繼續擔任評審。 

呢一集焦點絕對係 安雅希 同 黃洛妍 呢對組合,同為唱得之人嘅佢哋獻唱《我不難過》 一唱一和非常合拍,加上充滿感情嘅歌聲,令眼淺嘅肥媽感動落淚,最終佢哋獲得全晚最高嘅92 分。

安雅希同黃洛妍合作演出《我不難過》,兩人屈機表現成功得到最高嘅92分

張佳添大讚:「有啲似上次安雅希同支嚳儀唱《如願》,我係拆唔到嚟畀分,當Janees唱『讓我走』嗰度,我直情係感動,雅希去到中間時有一種遇強愈強嘅感覺,你個聲音係籠罩住呢個場,聽到好Touching。」而伍仲衡亦都話:「好睇到你哋嘅化學作用,Janees幫到安雅希好多,有幾句和音全部都好高音,但你係黐到雅希實一實!」最終安雅希再獲MVP,更係賽事中第三度獲此殊榮。

而 古淖文 同 冼靖峰 合作嘅演出一樣亮眼,兩位型男深情演唱《祝君好》大晒柔情一面,最終獲91分成績,肥媽大讚:「淖文啲撈味冇晒,Feel到你嘅真心。」陳慧嫻則指:「合作得好好,但又未到天衣無縫,A-啦!」而伍仲衡就大讚Archie進步唔少:「《聲夢》嗰時係唱得好,但你今日係多咗份感動。」張佳添則話:「Archie幫到淖文好多,感覺唔係兩個男仔談戀愛,而係兩個男仔談論緊戀愛,然後大家攬住喺度喊,感覺好正。」

Archie同古淖文嘅《祝君好》亦獲評判大讚,可惜最後以一分之微不敵位居第二

之後 林若盈 同 趙小婷合唱《一加一》,惜未能感動評審,陳慧嫻直言:「你哋今晚好似唱遊咁,冇咗一山比一山高嘅感覺,聽完好似冇咩聽到咁。」最終只獲80分嘅苦盈於累積排名榜包尾,止步10強,出名係喊包嘅佢話:「我好想講,我每次喺台上流嘅都係幸福嘅眼淚,入到10強我覺得好感恩, 亦都好開心可以參加呢個比賽。多謝五位評審老師令我好想繼續進步,可以好開心咁唱歌,多謝媽咪每次都煲定好多嘢畀我飲,同埋要多謝Mable(曹敏寶),因為係佢迫我參加呢個比賽!」 

被網友冠以「苦盈」外號嘅 林若盈 累積分數包尾被淘汰

9 強名單(排名不分先後): 古淖文/劉威煌/顏米羔/安雅希/黃劍文/譚輝智/沈宗賢/陳俞霏/陳蒨葶

《中年好聲音2》星期日晚 20:30 翡翠台

 相關推薦

熱門搜尋