有片|2024賀歲鉅獻《臨時劫案》 主角齊食大茶飯迎新歲

有片|2024賀歲鉅獻《臨時劫案》 主角齊食大茶飯迎新歲

今日是大年初一,由郭富城、林家棟、任賢齊及張可頤領銜主演的2024賀歲鉅獻《臨時劫案》團隊,恭祝所有觀眾新一年萬事如意,賺過盤滿砵滿,龍年行大運,一係發達,一係發大達。
 
由無限動力、銀都機構、掌賞電影企業、天馬電影聯合出品。爾冬陞監製,麥啟光執導,郭富城、林家棟、任賢齊及張可頤領銜主演,林雪、盧海鵬、梁仲恆、鮑起靜、孫佳君、曾比特、符家浚、張松枝、姜卓文、陳毅燊、王頌茵出演,姜大衛、王敏德友情出演以及胡定欣特別出演,電影於昨日隆重上映。
 
三位男主角,包括郭富城、林家棟及任賢齊,在《臨時劫案》中想盡辦法,解脫經濟困境,主動、被逼、半推半就成為劫案悍匪,無非皆是受男人之苦所困惑,有錢可以解決大部份問題,而最大問題就是無錢。要食大茶飯,除了非法勾當,還可以怎樣?三人趁農曆新年,開枱打麻雀發新年財,一齊食大茶飯。難得三位重量級巨星落場竹戰,三人代入戲中角色,城城飾演的梅藍天雖然勇猛,但仍要迎難而上,面對逆境牌,不過就依然保持禮貌,城城說:「既然對家自摸,梗係要畀錢你啦﹗講多謝﹗」家棟飾演的笠水,章章被諸難怪無心機,家棟說:「我冇錢喎﹗打牌嚟玩吓咋,唔係咩叫衛生麻雀,衛生係唔使錢喎。」小齊飾演的冇用輝,不懂打麻雀,兼且鋪鋪遇上冇用牌,小齊說:「我點解好人做唔好,壞人做唔到,打牌都糊唔到。」三人本着萬事不放棄精神,最終一2一起極地翻身,一齊食奇牌來個大逆轉,由無啖好食,最終成為大贏家食大茶飯,一齊豪食盤菜迎接新年。
 
《臨時劫案》趁農曆新年與大家分享快樂,在不同媒體及商戶平台,送贈電影《臨時劫案》魚蝦蟹套裝,實行逼人富貴,而姜大衛、姜卓文及曾比特亦率先試玩,John哥做莊,姜卓文、曾比特重注買爆莊家,率先發個新年財。

臨時劫案|口碑不俗惜上映場次受限 曾比特首演電影撐拐杖死頂謝票

由 郭富城 林家棟 任賢齊 主演嘅賀歲喜劇《臨時劫案》年三十晚正式上映,導演 麥啟光 當日就同有份演出嘅 胡定欣 梁仲恆 曾比特 符家浚 ANSONBEAN  同 王頌茵 ,分別到尖沙咀同旺角等多間戲院謝票,同觀眾仲有Fans見面。

《臨時劫案》年三十晚一上畫,一眾演員同導演就齊齊謝票

雖然唔少觀眾上映首日已經入場支持《臨時劫案》,仲有觀眾買足三場戲飛,實行力撐,可惜受上映場次編排局限,年初二播映場次只佔三部賀歲片嘅203場;不足15%,令唔少觀眾都希望《臨時劫案》增加場次。

無奈因為場次安排原因,《臨時劫案》場次較少

《臨時劫案》故事圍繞三個中年男人為生活,時空交錯下捲入同一單臨時劫案,故事緊湊之餘又帶出中年男人之苦嘅黑色幽默 ,年輕演員ANSONBEAN同 曾比特 飾演嘅車房技工其實係泳池老鼠,錯摸同時牽扯到同一劫案中。

雖然Mike唔舒服,不過依然忍痛連走5場,為自己首次演出嘅電影作品謝票

Mike當日就身體力行撐拐杖現身戲院,同其他拍檔齊齊謝票,出入戲院期間需以輪椅出嘅Mike因為肌肉急性發炎,要到醫院打消炎針同食止痛藥止痛,不過為向觀眾答謝,佢仍堅持忍痛連走5場。

ANSONBEAN同Mike戲中係一對古惑賊仔兄弟

戲中Mike同ANSONBEAN非常老友,不時會到泳池爆Locker搵食,其中一場戲仲同城城鬥演技埋身肉搏,佢哋都話同城城對戲機會難得,ANSONBEAN話:「我同曾比特喺戲中係同事兼好兄弟,不過因為金錢而互相矇騙,最終要被郭富城武力懲罰。」而阿Mike就指:「今次係第一次拍電影,可以同影帝級嘅郭富城合作,學到好多專業態度,我同佢喺車房一場對手戲,被打到爆頭,原來被打都唔容易,今次係好好嘅體驗。」

Mike今次唔止有機會同城城對戲,仲被對方打到飛起

 相關推薦

熱門搜尋