「小芬女」黃美棋情人節分享婚紗照 重回「行運茶餐廳」取景回憶殺返曬嚟！

「美棋BB」黃美棋早前分享過大禮的相片，意味着越來越接近婚禮大日子！今日情人節，美棋趁着這個甜蜜日子，分享新一輯婚紗照，原來美棋與未婚夫鍾健威重回「行運茶餐廳」影相！眾所周知，美棋是童星出身，又以電影《行運一條龍》「小芬女」一角為人熟悉，在《行運一條龍》取景地的茶餐廳影相，回憶殺滿滿！而二人的婚紗照所見，充滿茶記的集體回憶之餘，更加將巨型鑽戒放喺蛋撻上，閃到爆！「美棋BB」亦都喺貼文感激未婚夫同周星馳（星爺）：

「美棋BB」在社交平台開心分享：「2024年的初五～情人節快樂❤️，謝謝「威」水哥@ykyray帶我回到行運茶餐廳，影咗呢輯獨一無二嘅Prewedding 👰🏻‍♀️🤵🏻。26年前嘅行運一條龍令大家都認識咗小芬女～咁多年後，著起婚紗，企係同一個位置
，小芬女依然是小芬女，但講嘅對白已經唔再係：「例牌呀，唔該」，而係： 「我地要結婚啦～❤️」」

美棋還趁機多謝星爺：「多謝星爺當年嘅作品，賦予咗黃美棋另一個身份（小芬女），呢個角色陪著我成長，令我成為咗大家嘅回憶殺😝。最重要係每年我都可以陪住大家開開心心咁過年☺️✨，謝謝大家每年都會重溫🫶🏻🫶🏻🫶🏻。最後謝謝鍾生陪我食蛋撻、飲奶茶，雖然唔再係當年嘅蛋撻加煉奶，蔥花蛋治、飛邊烘底，三七鴛鴦走糖，但不變的依然有我☺️，謝謝你一路以來陪著我走🫶🏻，💰💰✨繼續祝大家行運一條龍✨💰💰。」

圖片來源：黃美棋IG

好閃呀! 「小芬女」黃美棋情人節分享婚紗照 重回「行運茶餐廳」取景 「小芬女」黃美棋情人節分享婚紗照 重回「行運茶餐廳」取景茶記取景，回憶殺滿滿!冧到爆!美棋BB好靚!