葉念琛將會為TVB開拍新劇集《 美麗戰場 》，一班靚女包括陳瀅、劉佩玥、陳曉華、蔣家旻及何依婷等喺《 美麗戰場 》入面對戲服同感情線都有唔同意見，爭起上嚟會唔會不和呢？而陳山聰、張馳豪Aska、丁子朗、方力申同Bob林盛斌喺呢套女性主導嘅劇集入面，會唔會只係陪襯呢？

東張西望為你直擊香港民生時事：https://bit.ly/35Ba1zK

想免費睇番呢集嘅精彩內容? 登入myTV SUPER免費點播最近7日TVB自製節目:

葉念琛身兼監製、編劇同導演嘅台慶劇《美麗戰場》，28號晚播出大結局。全劇以開放式結局似暗示故事主人翁仍然各有發展，又似係為日後故事作明顯鋪排。最後一幕劇情返回2022年，「反骨琪」一身全黑打扮回歸，似笑非笑以一句：「家姐，咁急趕住去邊呀？」令外界對佢係咪幕後黑手滿腦問號，阿寶、靜兒同琳琳見到佢現身亦都非常訝異。

除咗期待嘅「復仇」並未上演，又留下極大懸念令觀眾群情洶湧，唔少睇完嘅觀眾都滿腦疑問，主腦葉念琛就話：「成班演員一齊睇結局，都話好想拍續集，今晚反應比我預期中誇張，我會考慮吓(拍續集)。」

 對於觀眾普遍唔接受Open Ending，葉念琛就話：「其實以前好多經典劇都係開放式結局， 唔少大家到依家都仲會念念不忘。我覺得追劇最開心，係追得過癮之餘，仲有種對結局好上心嘅感覺，一睇完就好想同人分享，鍾意又好、唔鍾意都好，總之引起到討論嘅氛圍， 就係我想大家有嘅感覺。今晚都好多人去我個Page度留言，想搵我出嚟講清楚。」

對結局中包括振宇( 方力申 飾)生死、唐昕( 朱晨麗 飾)最終同邊個通電話、琪琪嗌家姐有咩居心等，葉念琛就繼續玩神秘：「如果真係開拍續集，一定會有答案。」

大結局一口氣交代咗家寶( 陳瀅 飾)同靜兒( 劉佩玥  飾)反面嘅真相、徐富貴( 林盛斌 飾)對靜兒嘅情深義重、小美( 陳曉華 飾)因黑化家寶嘅妒忌而死於裕進( 丁子朗 飾)刀下、仲有龐國棟( 姜大衛 飾)、唐昕( 朱晨麗 飾)同振宇( 方力申 飾)之間糾纏不清嘅關係。

不過眾多情節中，林盛斌同阿Moon就雙雙被封為「結局MVP」。 徐富貴為咗拯救靜兒免受牢獄之苦，不惜重金向龐國棟送上厚禮，但係龐國棟「魔高一丈」，仲獅子開大口要求富貴放棄志在必得嘅地皮，雖然明知被「趁火打劫」，富貴明顯心中有火，不過依然一再奉承國棟，演繹情深自然又有層次，獲觀眾大量好評，仲讚阿Bob有型又好戲。

至於阿Moon喺醫院同陳瀅互摑爆喊一幕亦獲觀眾大讚，當靜兒得悉家寶間接害死小美後，情緒即由哀傷化為暴怒，窮追猛打連環逼問家寶之餘，仲爆Seed怒摑家寶。當靜兒見到家明時，原本爆怒嘅佢仲倒在男方懷中痛哭，一秒瘋狂變軟弱，展示神級情緒變化。 

而小美嘅臨終告別戲，觀眾亦直指感人，大讚 Hera陳曉華 嘅演繹。小美先請求阿寶原諒：「你唔嬲靜兒，可唔可以都唔好嬲我，我同家明真係冇嘢架！」面對靜兒忍淚道別，小美再努力擠出虛弱微笑，又拖實家寶同靜兒嘅手話：「好呀，我哋做姊妹 有今生有來世」，向來貪靚嘅又傻氣地問：「我依家係咪喊到好醜樣唔靚呀？」

Hera受訪時坦言拍畢離世戲份，當晚收工時，腦中不停湧現同小美有關嘅回憶，仲喺車上沉 澱良久先可以平伏情緒。佢仲造直到而家，只要諗起當時陳瀅同阿Moon喺面前痛哭，都依然忍唔住想喊：「好唔想諗起呢件事，所以我每次做訪問都唔會點講， 可能當我諗起時，我會覺得自己忍唔住想喊。因為只係兩個月前左右嘅事，好似自己嘅感覺都仲未消化到咁。」

至於「乞兒進」 丁子朗，結局中嘅「落淚食飯」戲亦成功將不甘、傷心、憤恨嘅情緒豐富演繹，獲唔少觀眾大讚演技有進步。 

《美麗戰場》昨晚播出結局後，即晚深夜即以逾二萬搜尋登上Google Trend首位；該劇喺內地同樣掀起討論熱潮，更一度先後殺上微博熱搜、微博實況熱聊，以及新浪熱榜。