速食呃女王騙情偷拍床上過程 被呃女團大控訴

速食呃女王騙情偷拍床上過程 被呃女團大控訴

高大威猛,專業人士,睇社交平台又好似好捨得用錢,睇落有錢,以上嘅條件係咪就會令女士們花花眼?呢個電話有500個女士聯絡嘅速食情場騙子,到底有咩條件同招數令一眾女士感情同肉體都受騙?仲偷拍同對方嘅親密片段?!

#東張西望 #交友 #男朋友 #女朋友 #感情 #情騙 #騙財騙色 #網騙 #騙案 #騙局 #偷拍 #民生 #時事

張敬軒被粉絲催著泳褲謝票 被製作AI片騙案感細思極恐

張敬軒 完成新加坡工作返港冇耐,呢日就現身活動同10位幸運Fans飯聚一番,不過大家就當然醉翁之意不在酒,除咗享受同偶像共處時光外,更不忘追問軒仔幾時先肯找年初嘅「叱吒我最喜愛男歌手獎」數,仲要求佢著泳褲謝票。

對於大家嘅大膽要求,軒仔就話:「夏天要到喇,等我身體準備得好啲先!」而且軒仔更希望謝票活動可以做得有意義又認真啲,唔係胡鬧完成。不過當軒仔被問,想著咩款式泳褲時,佢又回復鬼馬本性:「我都係一個游泳好手,所以以喺水入面嘅擴張能力最細嚟計,咁都係三角褲。」令在場傳媒都紛紛嘩然。

雖然軒仔一直都行開斯文路線,不過佢都曾經有「性感」一面,就係為舞台劇拍攝全裸海報,佢仲呼籲大家上網搵返張相睇,欣賞下佢副好Body。雖然過去輝煌過,但被問道會唔會操得返好似當年咁勁時,軒仍就話:「人生有願望係好事。」

網上AI騙案日漸猖狂,就連軒仔都成為目標,被騙徒以AI同Deep Fake技術整製作英文訪談片呃人錢,呢日軒仔都話成件事完全細思極恐,仲話騙徒連佢嘅圍頭口音都改埋變澳洲口音。不過問到有冇叫媽咪小心啲時,軒仔就大派定心丸話:「我阿媽連我都唔信架,放心!」而軒仔亦透露,有Fans不慎被騙,損失金額可觀。

 相關推薦

熱門搜尋