《 白色強人II 》郭晉安馬國明胡定欣張曦雯強人齊起動

《 白色強人II 》郭晉安馬國明胡定欣張曦雯強人齊起動

劇集《 白色強人II 》收視理想,多謝各位觀眾支持。呢日《 白色強人II 》舉行宣傳活動,亦有邀請結節性硬化症患者同家屬到場分享,張曦雯都聽到好感動。唔知大家對於劇集入面郭晉安同胡定欣飾演院長所提出嘅醫療改革有咩睇法,點先真正幫到市民呢?

#東張西望 #白色強人2 #郭晉安 #馬國明 #胡定欣 #張曦雯 #醫療 #花絮 #劇情 #劇集 #港劇 #電視劇 #娛樂

再見‧枕邊人丨黃智雯遭綁架後突然回復記憶? 67歲張國強fit爆公開四大逆齡秘訣

TVB劇集《再見‧枕邊人》逢周一至五晚八點半翡翠台播映。噚晚(25日)重點劇情係晴天(黃智雯飾)遭神秘人綁架後雖然成功掙脫,但卻遇上交通意外暈倒送院;因事故受到衝擊嘅晴天, 向醫生披露「好似記得晒啲嘢」,見到前嚟探望嘅萬森(馬德鐘飾),露出前所未有嘅逃避及慌張眼神,令網民揣測萬森喺晴天失蹤事件上有莫大關係,二人關係再起暗湧。

KK嘅老鼠仔好搶眼,體能望落好弗。「大凌生」雖然惡,但佢對住Alex其實好循循善誘。

另邊廂,萬森與朱善美Rachel(張曦雯飾)、晴天與長勝(羅天宇飾)關係有新變化;原本因雙方唔夠坦白、關係日漸疏離嘅「森美CP」,因Rachel懷孕得到大大改善;「晴勝CP」因萬森踢爆長勝當初接近晴天只係想查出當年妹妹小敏(區明妙飾)慘死真相,令晴天與長勝長久建立嘅信任頃刻被瓦解。

「大凌生」呢個眼神好有戲。KK向阿仔逼供,成程都帶有笑意,剛中帶柔。

呢個係向 Rachel 逼供嘅眼神,明顯兇狠好多。

「大凌生」凌頌恆(張國強飾)與兒子 Alex(鄭俊弘飾)關係相當微妙,Big Boss網上競猜高踞頭三位嘅張國強(KK),噚晚呢集展現神級「一秒慈祥變銳利」絕技。場口講述「大凌生」與Alex一齊攀石,「病壞」Alex全程遠遠落後,更辛苦到面都青埋,令虎父「大凌生」冇晒符。大凌生向來希望兒子盡快生性,為咗勉勵Alex早日自強,更語重心長地向阿仔拋出一 句:「Daddy可以幫你Plan,但條路要靠你自己爬。」言談間滿是慈愛,不過向來滿肚密圈、心機拍得住Rachel嘅「大凌生」,當接完電話後立馬面色一沉, 眼神更一秒間變得異常銳利。


當「大凌生」肆無忌憚咁嬲豬嘅時候,個狀態可以更狠。到底係邊個綁架晴天?

今晚(26日)播出第22集係「大凌生」將先後向Alex及Rachel進行逼供,軟硬兼施,令「最強心機女」Rachel招架不得。 據知KK 飾演「大凌生」背後確係隱藏驚天秘密,除咗涉及商業罪案,確實捲入小敏死亡事件,到底真相及細節如何,被萬森認定係拜金女嘅小敏、臨死前多次向晴天借錢又係所為何事?

佢見到萬森又點解咁驚?到底小敏點解要係咁向晴天借錢呢?

噚晚KK演技讓人驚艷,他fit爆體型令不少網民羨慕,攀石時更驚現超結實老鼠仔。現年67歲嘅KK獲讚凍齡達人,KK受訪時笑言一直以嚟確有不少網友問佢保養心得,KK續指要多謝父母遺傳好基因,亦認為運動員底子、規律飲食習慣及保持心境開朗好重要,KK多謝家人為自己分擔屋企唔少責任,令佢可以專心做自己鍾意做嘅嘢,談到攀石場口,KK笑指由於有剪接幫忙,故拍攝嗰陣難度唔算太高,反而因為天雨關係,令拍攝一再受阻:「咁啱落大雨,變咗有少少時間用咗嚟等,同埋爬嘅時候都有少少濕滑,要小心啲!」

「大凌生」同小敏嘅死又有咩關係?原本關係陷於冰點嘅Rachel同萬森,因為Rachel 有咗BB迎來起色。另邊廂,晴天同長勝就鬧翻咗。萬森踢爆長勝當初接近晴天只是想查出當年妹妹小敏慘死真相。晴天與長勝長久建立的信任頃刻被瓦解。

《再見‧枕邊人》結局篇逢周一至五晚八點半翡翠台播映

 相關推薦

熱門搜尋