乘客要求印西隧收據呃公司 司機拒絕貼文網上公審

昨晚有的士司機於Facebook 群組「的士司機資訊網Taxi」中發文，內文主要講述兩位乘客要求的士司機在咪錶收據上「造假」，打印出經過西隧的收據向公司報銷。的士司機堅持原則不合作，沒有配合乘客要求。此舉得到大部份網民支持！

不過另一方面，網民對於的士司機將車cam拍攝到兩位乘客的樣貌，毫無遮掩地公諸於世的做法，除了侵犯私隱之外，亦屬於欠缺道德，所以甚至有網民提議：「報東張」「真！報警無用，有時警署提早收工，報都報唔到！」

的士司機發貼原文：

早幾晚十一點幾，喺上環永安中心接左支order入粉嶺兩站，男既住火炭銀禧花園，女既住皇后山村山麗苑，上車後問左行紅隧獅隧後就開始以下對話：

女：好貴呀，搭咁遠的士返去

男：Claim公司之嘛，咪叫師傅幫你印西隧飛囉，師傅你OK㗎呵？

我：唔得㗎喎

男：點解呀？

我：犯法㗎喎

男：我地成日都咁喎，得㗎

我：一係你落車再搭過第二架，我行咩隧道就打咩單

男：哦

沉默過後，佢地傾佢地既野，男既先喺銀禧花園落車，去到山麗苑，女既仲未死心

女：我成日都係咁㗎喎，真係無事既呢

我：唔該你地唔好成日叫我地啲司機做呢啲咁既野，我地唔會幫你地做犯法野

真人真事，有錄音，不過費事出

歡迎告我侵犯私隱，不過我都會告返你地意圖引誘他人偽造文書

其他網民精僻留言：

「的哥做得好👍 仲有教育意義👏」

「我認為乘客點錯都好，嗰道理喺你嗰邊又好，但係你竟然post佢哋個樣上網，你已經輸晒，非常冇品！」

「麻煩你打番個格仔先， 車cam拍攝車內唔係畀你咁樣放人哋照片上網公審的。 你咁樣做同嗰啲仆*有乜分別」

「其實好小事，唔使放人地個樣上黎既！你一句唔得咪算囉！」

「其實可以打個格仔先擺上嚟嘅，不過絕對支持唔打假單，或者比著我就會直接車去警署報案室門口」

之後有網民留言表示的士司機「km kong」，應該出來面對不同聲音！不應該封閉留言……