屯門婦人抱小孩垃圾桶方便街坊嘲諷：冇痾落地經已好文明讚

有網民昨（17日）在facebook專頁上載一張懷疑小童在屯門市商場垃圾桶解決的相片，從相中可見，一名女子無視衛生，在垃圾桶前抱起一名在大庭廣眾光著屁股的小童，讓小童坐於垃圾桶邊懷疑就地解決。

熟路的街坊教路搵廁所，「後面已經係廁所！咩料呀！」、「轉彎就有廁所啦喎」、「其實行出轉灣就有廁所，佢係咪唔識」、「後面行多三十米就有廁所啦！」、「轉彎已經廁所」、「轉個彎就有廁所啦」、「隔離就有所啦」、「行前轉右已經系廁所」之聲此起彼落。

另有網民反諷指，「冇痾落地，經已好文明。讚」、「痾落垃圾桶，唔使清潔工咁辛苦，好文明呀」，「商場有廁所，可以問人，係屋企都唔會喺垃圾桶解決吧」；另有人批評「商場已經好多廁所，死都要用個垃圾」，並痛惜垃圾桶指「成個垃圾桶邊都......」。有火爆網民則指，「我係現場唔會淨影相，仲會大大聲Ｘ落去，要全部人都聽到！」