觀塘順利邨街市驚現「1蚊1籃魚」

近日,有網民在Facebook 群組「大埔 TAI PO」群組發文,以「沒有更平只有更平」為題,指觀塘順利邨街市有魚檔,以1元售賣一籃魚,每籃有約10至13條,換言之平均約1毫子1條魚,跳樓價「嚇親」網民,引來熱烈討論。

有網民分析,該籃魚為黃澤小沙丁魚,屬海魚,該種魚又名黃小砂丁,俗名青鱗仔,該魚為可食用魚,但肉腥,宜曬乾食用。雖然有網民指該些黃澤小沙丁魚「勁多骨」、「有好多幼骨,要小心食」,但不少網民分享食譜,指可以用來滾湯,「味方面不嬲都係鹽加少少糖吊味,已經係好正,當然有少少胡椒粉啦、薑絲」,或者用鹽醃半煎炸,「好好食。」

不少網民表示難以置信:「咁平一蚊真係平到我唔信」、「真係1蚊,我都以為我睇錯」、「咁平……真係唔敢相信」、「平到有啲驚」、「係咪少咗個零。」網民笑言「唔係哇,啲魚死得真係不值」、「唔係咩!睇紀錄片啲魚好難生存長大架,比人撈上來只係值一毫子真陰功。」

 相關推薦