有屯門街坊在facebook群組發文：『雖然擔心「厚多士」，但希望可以幫到小妹妹！」』樓主分享昨（5日）在屯門碼頭坐輕鐵，上車後「勁吉，超多位坐」，見到有個男人坐單丁位，另1名小妹妹獨自坐在兩人座，她就坐到男人後面的單丁位。她說「男人無啦啦撩個小妹妹講嘢」，突然問小妹妹考試之類的事情，小妹妹有回答，但「講講下嘢，男人話畀支嘢飲小妹妹」。小妹妹醒目即時拒絕，但該男子「跟手坐埋去小妹妹隔籬，然後個男人仲要講，『一陣會好多人，我坐埋過嚟同你坐』」。

樓主心知不妙，「我覺得件事好似會危險喇」，她鼓起勇氣起身，過去拍該男子膊頭，示意她是和妹妹一起坐車的。「嗰刻我都震震哋，始終嗰陣架車無乜人，仲要尾卡，車長都未必知發生咩事」。幸好男人自行坐回原本的單丁位，她即問小妹妹是否認識該男子，「妹妹話唔識，我就叫佢，你自己要小心，唔好畀佢坐隔籬」。

樓主指，車廂內由頭到尾都超多空位，陌生男本身有位坐，無必要坐去妹妹旁邊，「仲要三唔識七無啦啦送支飲嘢畀妹妹」。她由頭到尾目擊事件，擔心陌生男坐過去後，待其他人陸續上車時，會以為兩人同行，「仲要坐咗（尾卡）車頭，發生咩事，其他人根本見唔到」。她承認自己沒明確證據，證明陌生男圖謀不軌，「我寧願自己厚多士，都總好過有不愉快事件發生」、「大家真係要多多留意身邊人與物，可能大家覺得我厚多士咗，香港而家真係要萬事小心」。

帖文吸引逾2000人讚好，許多網民認為陌生男可疑，提醒附近時有「猥瑣佬」出沒，樓主可能救了該妹妹，「好欣賞你嘅勇氣，好人一世平安」、「多謝樓主拔刀相助」、「妹妹好彩預到你」。樓主則回應指，自己的分享只是希望多些小朋友有危險意識。

今日早上天雨路滑，曾經一度發出黃雨警告，Facebook群組「車cam L (香港群組)」有一貼「大雨……唔好急呀！」，視頻中顯示一位「鐵騎士」可能只顧著左邊有沒有車輛，從而忽略前面有一輛黑色私家車，電單車直接撞向前邊的私家車，幸好電單車司機應該沒有大礙，網民大部份認為電單車司機只顧著看左邊：
「掛住睇左線有無車」
「cut 線冇睇前車只睇左面...低級錯誤但又成日會出現...人冇事部車花少少...好彩」
「打燈掛住望隔離冇望前邊」
「技術其次，完全係經驗不足，前面留唔夠位轉線，人地一BRAKE 就冇晒空間，又唔睇返前面有冇空間，一味睇隔離線」
「好彩隔離無大車」