的哥遲到港媽鬧爆 卻被的哥反鬧 網民態度兩極

有網民在Facebook群組發文，指有名港媽在今（7）早10時許，因的士司機未能按時到埗，港媽不滿上車後怒罵的哥，但的哥不甘示弱，怒罵港媽：「我唔係你個細路呀，你冇權鬧我呀。」更揚言若不滿就報警處理，港媽即時要求停車，卻被的哥反要求先付款，否則報警，令港媽無言以對，唯稱的哥繼續前往目的地。

網民反應兩極，一部份網民力撐港媽，「其實個司機遲左幾耐？如果真係遲太耐，係人都火，仲有到底當時交通情況係點？係唔係司機約6,7分鐘，點知遲十幾分或以上，跟著個客又截唔到又趕時間，一肚氣。不過唔知個細路係咪番學，繁忙時間，如果咁趕真係唔好85折啦。anyway，始終唔知個case係點」、「遲到仲好似奉旨咁，自己脾氣唔好就唔好做服務業啦」、「遲到就唔好X接單啦XX，同人講聲，人哋叫過第二㗎唔好嘥大家時間」、「遲到仲罵客，做臭晒業界聲譽」、「咁覺得個女人第一句講司機遲到唔覺係鬧喎！和司機真係遲到咪答唔好意思塞車囉，司機第一句就起火啦，咁都覺得人鬧佢有乜工適合佢做呀」、「dc9遲到仲放人上網」、「的士狗，遲到仲咁撚大聲，以為自己好叻，仲有呀，係你重新問人地要唔要車，人地話唔要，要落車，你咩道理收人27蚊呀，讀多啲書啦乞衣！人地帶住個女玩唔到，唔係你叻呀」

但有網民卻力撐的哥，「嗱。。。呢鑊我撐你啊，DC9」、「唔要人遲到應該預早一日book 車，咁司機咪預早吉左架車，預早15分鐘到，以避免遇上塞車而遲到，你唔可以用即時call車呢套 套用你約朋友遲到要人道歉，因為你即時call 人地到步時間完全係路況主宰，路況有變自然會遲，但唔係司機既責任，佢同你講唔好意思，都只係想息事寧人，佢真係無必要同你道歉，你更無理由藉此興師問罪，上面條片個女人只係發洩，無人應分做你出氣袋架」、「個女人第一句勁好禮貌：『帝都，唔該 !』，之後就聲討司機遲到好耐，呢類西客先得人驚。如果呢類西客喺服務性店鋪，一定俾佢玩到災難性結局。好在佢玩係一部會行駛的士，司機可以唔開車要佢落車，加上司機態度企得好硬，西客自知唔似去店鋪玩、可向公司投訴唔同情況，自己又帶個女咁細個冇著數，之後終於先肯自己收嗲 !」