7日,兩名中年男子在何文田欲替其車輛尋覓公眾咪錶位,不惜「人肉霸車位」,但仍被駛至的私家車搶先一步。其中一名中年男子不甘被「截糊」,多次爆粗辱罵對方,批評他「打尖」將車駛入泊車位。
事後,黃色私家車車主在有關貼文留言交代事件起末,又指最後成功泊車,「我喺路邊等緊位,啱啱架車走咗我就泊入去。佢人都未企出黎,全條街又冇車 , 我就老虎都唔會讓喇…梗係有泊,佢唔郁我唔郁,最後佢咪又係要走」。根據他上載的影片所見,當時私家車停在附近等位,見到前方有車駛離,遂駛前停泊公眾咪錶位,惟兩名中年男子拒絕讓私家車駛入,甚至囂張地表示,「呢度霸緊位呀」。
網民反應幾乎一面倒,紛紛支持樓主做法,「你都泊定係到等,跟足規矩」、「唔係平、貴車問題,政府公家位,先到先得、睇彩數,個個都泊得,係啲人肉霸位講到自己合情合理」、「人哋架車未到,佢就人肉霸位!呢個係車位!唔係人肉企位」、「如果大聲就有錶位,我放支大聲公係車」、「人肉霸位都咁惡咁理直氣壯」、「不要向惡勢力低頭!」