有港媽在Facebook群組發文,批評於今(11)早,有名自私男於港鐵為了得到座位不惜一切,更狠推小孩險跌倒,令港媽憤怒,「今日個地係濕架,想坐可以出聲 ,但唔好推人呀嘛, 佢重要扮聽唔到係度玩手機!」
網民都憤慨不已,「如果佢推到我個仔,我會同佢講,如果佢扮聽唔到,我會拍一拍佢再同佢講,如果個仔俾人推到我唔出聲,仲有邊個保護自己個仔順便教個仔有事要出聲」、「香港人日常,幾多人為左一個位而要上擂臺打MMA,仲有好多人爭贏左就係為左坐一個站,要企真係好難」、「呢啲垃圾坐少陣好似會死咁,驚死蝕底」、「其實唔洗同呢啲廢老客氣,如果你唔出聲,呢啲人就會變本加厲,我之前都係坐批鬥座俾廢老大聲駡,咪駡返佢」、「推開你個仔已經可以當普通襲擊,可以報警」、「廢老係咁上下,呢啲真係要當面X鬼先有用」、「香港真係好多咁嘅人渣。你當面應該馬上斥責,保護自己同個細路嘅不應受侵犯嘅個人空間。如果周圍嘅人都冇個幫你,咁香港就真係沉淪哂」、「香港依家好多無文化既人。」
亦有網民分享相同經歷,「相信好多人都試過,上次唔係濕地,個女人傾住電話咁推開我女衝入去坐,但都唔應該影人既,我淨係有教我女里個行為唔岩,我地企吓都ok,一個鐘ok既,中途有位再坐啦,始終位係俾有需要既人,可能人地有需要我地唔知,只係人地表達方式比較冇禮貌。」