近日,有的士司機在於網上發文尋人,指有名女乘客到達目的地後匆忙下車離開,未有拿取532元車費找續,若女乘客看到帖文可留言說出乘車起點及終點,他會送回找續。
有網民留言讚賞司機,「好心人,真係唔錯」,有網民猜測女乘客未有拿找續的原因,「你check埋張1000可能你慶幸無找畀佢」、「阿姐(婆)走得快,一定有古怪」、「會唔會係個客畀咗$532,以為畀咗$132」、「468蚊車錢,咁嘅路程似乎真係好趕時間先飛的」,不過也有人說「要令到個錶跳到468,時間分分鐘耐過搭地鐵」。
有網民質疑帖文可信性,「的士唔係唔收$1000?畀$500要找已經依依哦哦,又油站又話唔早講要找」、「點解咁樣找法嘅,四百幾車費?又唔似喎!因為99個司機都唔會收一千蚊紙,有冇人可以解答到呢?」、「比1000元找?我坐的士無散紙,給500元,司機都話無錢找。真定假?」
有網民開玩笑地留言「白撞」,「係我,唔記得攞,又唔記得邊度上車」、「係我,司機大哥,我係飛毛腿大姐,機場去淺水灣」、「試下撞下先,元朗(西隧)去鰂魚涌」,司機就指出仍未有答對的人。