近日，網上瘋轉一條14日下午5時許於西灣河Tesla硬閘平治的影片。片段所見，當時平治位於右線，而Tesla則位於靠行人路的左線，被一輛打死火燈的灰色車輛頂住無法前進。其後，Tesla將車頭扭右，作勢駛出右線，然而平治卻未有相讓照直行，險些相撞。平治完全駛過後，Tesla司機懷疑不滿平治沒有相讓，不顧後果加速駛出再爬頭，「硬閘」平治私家車車頭，釀成交通意外，所幸無人受傷。

網民直斥Tesla司機過分，「危險駕駛必須告」、「停牌都似」、「灣岸式閘車」、「而家考牌之餘仲要考埋EQ囉」、「蓄意撞可能大鑊啲喎」。

近日，有西灣河街坊在Facebook群組發文，指23日下午，她於西灣河街頭留意到有兩名操普通話女子截停1名男子，不過該男子隨後「耍手兼擰頭就走咗」。樓主覺得事有蹊蹺，於是一直尾隨兩女並拍片錄下可疑行為。
片段可見，兩名穿深色裙的女子於街上漫步，四處張望尋找目標，但遭多名男子拒絕，隨後1名穿黃色上衣的男子剛從巴士下車就被兩女「睇中」截停說了些話，之後3人一同進入1間麵包店揀選食物。樓主說，兩女發現她偷拍後，她立即停錄，「之後見到佢哋每人拎住2件企喺門口食」。
樓主指出，根據其觀察，「佢兩個只會問男士，大部分都醒目，唔睬佢兩個，但最後都有一位俾佢兩個捕獵成功，之後就入咗美心，原來係叫人賣嘢畀佢哋食」，她希望「大家隨時能夠保持警覺」，以免被利用善心。
網民直言「今時今日都仲上當嘅人，真係唔知話你戇X定好心地」、「呢啲咪係正宗搵老襯囉」、「因為兩女知道男士都會有『憐香惜玉』之心」、「港女拍拖唔AA係港女，依啲男人就即請」。
有網民留意到兩女衣着完全不像窮人及身無分文，「着得咁整齊，又有A貨名牌袋，只係呃個美心？可能另有目的，點都好，多謝呢位街坊報告，西灣河越來越多呢啲人」、「對鞋新過我的」。
有網民分享騙徒手法，即使欺騙他人獲取平價食物都有利可圖，「我同事試過有個阿婆叫佢買包畀佢食，之後阿婆仲要求話買2個大麥包，然後話要埋膠袋。同事見佢係阿婆就照幫佢畀錢，之後原來阿婆走回餅店退錢」。