近日，有網民在Facebook 群組上狠插「天水圍悅品天秀酒店」多項罪名！樓主指星期六、日和十多名家庭成員相約到天水圍悅品天秀酒店「宅度假」，度過愉快的家庭日，誰不知是惡夢的開端！

樓主入住酒店房後，並沒有仔細檢查房間便離開。晚上9時，樓主和女友回到房間後便立刻躺在床上休息，卻傳來陣陣的「屎臭味」，兩人周圍觀察尋找「屎臭味」的來源。卻在被窩裏發現咖啡色的物體，本以為是殘留的朱古力痕跡但仔細一聞，卻發現是糞便，樓主的褲亦不小心碰到糞便，令樓主頓時情不自禁地乾嘔！其後兩人致電到前台，卻令人更憤怒，不但10分鐘也未能接通，而且更誇張的是所有部門都未能成功致電！

樓主只好和女友穿着「屎褲」到大堂理論。樓主開門見山表示，「你哋間酒店張床有屎喎。」前台的職員亦即時回應，「會安排換房，同埋會幫你洗返條褲，你哋上房先，會有同事即刻過嚟處理，睇下張床咩情況。」因此兩人回到房間等候，但酒店並沒有提供浴袍而樓主也沒有替換褲，因此只好穿着「屎褲」等15分鐘，才能「會見」大堂經理。但大堂經理卻表示：「我check左CCTV 㗎喇，睇到房務有拎套新床單入房，之後有拎返床單出嚟，佢哋係有做清潔嘅。」令樓主怒火中燒，怒插經理：「咁你即係話我賴屎？」經理表示：「唔排除呢個可能性 」樓主女友亦不滿經理匪夷所思的回應：「我哋梗係check 咗唔係自己問題先搵你啦！條底褲冇屎㗎！你咪自己睇下囉 」其後該經理表示會了解和跟進事件，亦協助樓主更換房間和清洗衣服，並承諾約兩小時後會清理乾淨再聯絡樓主。但直到早上仍然沒有看見褲子的蹤跡，樓主自行追討才能成功取回褲子。

經理其後聯絡樓主哥哥，表示因樓主情緒激動，因此聯絡較為冷靜的哥哥，商討賠償方案。但到明天早上離房時，卻重覆表示：「首先睇到同事有拎床單出入間房，即係有清潔。跟住由客人擺低背囊到再入房期間係冇人入過去嘅。」樓主家人怒插：「既然經理你講你啲員工冇問題，咁即係話佢賴屎再屈你啦！？係咪！？」經理依然採用匪夷所思的回答方法：「我冇咁講過，不過都唔排除呢個可能性。」 樓主家人憤怒表示：「CCTV 淨係見到個房務拎床單出入，咁你有冇見到佢真係有執房先？」經理雖然願意道歉，但卻依然採用莫名其妙的回答方式：「要我個人道歉當然冇問題，不過依家唔係百分之百證明係酒店方面有問題，所以我係唔會代表公司道歉嘅 。」更表示「你哋要投訴我阻止唔到」後便離開。

樓主向前台詢問投訴電話或電郵，但只是提供酒店的電郵地址，而該封電郵亦是經理所查閱，並且拒絕提供任何總公司的投訴方法！ 
 
 

近日，有將軍澳街坊在Facebook群組上發文，分享疑似遇上「請食飯黨」的經歷。他指周四（25日）晚上約7時半，於區內的新都城二期商場遇到2名女子，兩人走近以普通話問他「寶琳邨點去」，他不以為意，好心指路後便打算離開，但女子「打蛇隨棍上」，再問他能否請飯。但是，樓主卻發現兩名女子「身光頸靚」，更手持名牌手袋，目測不似有經濟困難，因此用醒目方法擊退，先不慌不忙爽快答應請食飯的要求，令兩人以為得手放下戒心，繼而再取出手機拍下兩人的相片，「佢哋就拔足逃去」。
將軍澳街坊指，「挽住個LV唔知係A貨定咩，叫人請食飯，搵鬼信咩，裝過身先啦」、「有手有腳周街乞食，專揀啲老人家埋手」、「帶佢哋去賣咗個袋佢咪有飯食，三期個邊有間收袋㗎好似」；另有網民稱認出相中女子，指她們近日經常於區內流連，要求路人請食飯，並大讚樓主的處理手法，「做法正確，已經有一段長時間了，最主要是問你攞錢食飯」、「我在康城商場都遇到過，我一樣拎電話，佢9秒9走咗」、「近來將軍澳出現好多，前兩晚在坑口出現，鏟佢兩句即彈走，留意附近有冇男子同黨」。