大埔兔兔「被消失」!曾遭狠批似「紙紥公仔」!

大埔超級城的室內裝置紅色兔兔公仔,雖然原意是想增添喜氣洋洋氣氛,配合新春佳節,可惜事與願違,之前遭網民狠批BAD TASTE,指似紙紥公仔,甚至有指「嚇親細路」。昨天網友再上傳同一位置的照片,發現幾隻兔兔公仔已不知所踪。當然又招來網友洗版,而且十分抵死:「收埋咗,7月14再拎出嚟!」「擺番中秋隻兔兔咪算囉!」「可做埋復活節兔㖭!」「搞埋個兔肉美食節就 perfect 喇!」

有網友上載了一張照片,看到兩名商場職員將兔兔公仔抬走的畫面。網友又推斷商場「順從民意」的原因:「聽講有家長投訴,嚇到個細路仔!」「會唔會係有好多人投訴呢?所以徇眾要求要撤退!」

職員將兔兔搬走職員將兔兔搬走

兔兔到底會不會再在這商場現身,陪大家過年呢?暫時仍是未知之數,但有些網友可能會渴望牠們復活呢:「頂,我未影相就死左!」



 相關推薦