好姊妹口出狂言指定利是金額:$20留返你買樓 網民怒插:咁樣講真係好肉酸

樓主在香港討論區以「朋友講明要收幾多錢利市」為題發帖,指她們一群女生從小學就認識,會定時約吃飯逛街,其中1位上年結婚,故今年可以逗利市。早前她們聚會交換禮物,1名姊妹對已婚朋友說「今年封利市唔好廿蚊畀我呀,真係同你絕交㗎!20蚊50蚊你留返嚟買樓啦,大家識咗咁多年,至少都要封2封100蚊畀我啦」。此話一出現場氣氛尷尬,樓主心想「邊有人會自己開口話想收幾多錢利市㗎」,大家都知道她長期說話「唔經大腦」,但沒想過會如此直接,擔心她拆利市時發現只有50元可能會生氣。

網民怒斥,「佢唔要面,我都唔洗畀面佢」、「老老實實當朋友定水魚先」、「同打劫有乜分別?」、「就算本身想封畀佢,咁講完都唔想封啦」。不過部分人覺得只是開玩笑,「係咪講笑咋,咁樣講明好肉酸喎」、「過左十五先再約」、「寫張$100嘅支票,兩年後兌現,即係每年$50囉」、「封Yen(日圓)比佢」。


 相關推薦