大癲的哥展現匪夷所思泊車技巧網民：馬上收得工

有的士司機新春開工大吉發了新年財，樓主23日，載背景為錶頭車費161.1元的千元利是相，留言「專貴客人上車係唔同啲，一對恩愛老人家」。

網民質疑「會唔會有人信」、「係咪自己屋企人」、「車自己父母就有可能」、「係咪畀錯」、「老人家畀錯咗」、「老人家錯認利是封，拎錯咗！三唔識七，畀100元就大把人信」等。面對質疑，樓主指「唔信都冇辦法」，並公開箇中原委：「事緣係咁的，一對老人家坐住輪椅等咗半個鐘都無人停去做，之後我就接截佢哋，九龍紅隧返香港仔，之後佢就話我好好人就畀咗封利是我」。

樓主一番話獲網友力撐，指「我絕對相信，因為未做過輪椅車司係唔會明的。輪椅車客人對司機係叫車長，普通車D客叫你做的士佬」；另有人指「全世界都唔會信，但我信，因為試過」、「我又信喎」。

另有人細心看相片後指「燙直咗張銀紙？無摺嘅」、「都唔想話你做假，咁大張金牛同500蚊用咁細個利是封，兩張銀紙一啲摺痕都無，「大佬做假都連下戲丫」。