農曆新年是喜慶日子，過節送禮是不少人向親友表達心意及祝福的方法。港媽於論區發文，拍下1盒新年雜錦餅乾禮盒的開箱對比相片，狠批過度包裝問題嚴重。相片可見，方型的禮盒上印有精美圖案，亦有盒內3款餅乾的實物相片；而盒底則為成份及營養標籤，同時標明盒內放有共4小包的餅乾，狠批「雖然個盒底有寫明內容，但真係好過份」，又勸一眾網民購買前要想清楚，「個包裝物料好重，呃到人」、「如果諗住送畀人，請三思」。

過度包裝問題嚴重過度包裝問題嚴重

帖文引起網民討論，不少人看到禮盒的內部結構也嘩然，「個盒好大，得幾塊餅」、「我剛剛買咗一盒，得咁少，個盒就咁好睇，仲要$40幾蚊」、「一盒餅都學人起樓咁發水，其實如果佢用盡個盒嘅空間，可以擺到好多塊」、「真係過份包裝，只得幾塊餅」。亦有人批評相關禮盒的過份包裝不但欠環保，送贈他人時也顯得小家，「包裝材料太浪費」、「真係好離譜喎，送畀人，人家拆開好尷尬」、「新年係咁，新年聖誕禮盒永遠搵笨」、「自己食都仲好啲，送咗畀人就肉酸啦，無啖好食」。

有網民於移民英國港人facebook群組轉發專頁截圖，指有港媽近日多次發文，教路以填寫食評的方式退款，變相換取免費食物。相關截圖可見，管理專頁的港媽指於英國超市買餸時發現「免費貨品」，並拍下一品牌的牛奶相片，盒上介紹列明若顧客對牛奶不滿意，只要寫下15字以上的評價解釋，提供個人資料及購買單據證明後便可獲製造商原價退款。

有移民英國的港媽近日發文分享貼士，指當地部份商家提供退款服務

亦有網民發現，該港媽早前亦曾於英國超市購入素魚手指，指出只要到製造商網站填寫食評及個人資料便可獲退款，形容「唔好食就可以退錢」、「買免費嘢」。她4日後更再次發文更新，稱登記退款後已獲製造商回覆，「今朝收到確認Email，等收錢」。

購入素魚手指，指出只要到製造商網站填寫食評及個人資料便可獲退款購入素魚手指，指出只要到製造商網站填寫食評及個人資料便可獲退款

網民狠批其「搲着數」做法，「如果啲嘢食嘢飲試完真心覺得唔好食，你去refund（退款）咁係理所當然，但如果打正旗號當佢『免費』嘢咁搲埋呢啲着數再周圍廣傳咁就……」、「唔好飲先退錢啫，即佢教人為咗refund 就講大話話唔好飲啦」、「濫用咪搞到人哋以後唔再畀你免費退囉，外國人就係識自律識可以做到呢啲嘢」。

面對眾多批評，港媽隨即發文反批網民，「人哋啲公司嘅宣傳手法，唔好味就寫返啲review（評價）畀佢哋，等佢哋可以改善，我唔覺得有問題」，又稱當地人購入不滿意的貨品後也會要求退款，「有興趣啲Hater（攻擊者）研究一下英國啲例，同埋去超市留意一下，大把人買完嘢發覺唔啱就Refund，買中咗酸奶都可以去退款，冇人叫你去呃」。

港媽的惹火言論再引網民狠批她死不認錯，影響港人形象，「佢唔係死撐咁簡單，佢係真係覺得自己冇問題，而家覺得我哋全部人都有問題」、「如果有需要，可以去food bank（食物銀行），一樣免費。有需要就遁正常途徑，唔好用錯嘅方法」、「貪埋呢啲便宜，仲要post出嚟教人，整臭香港人個朵」。