社交平台瘋傳大快活外賣煲仔飯離奇着火 網民調侃：新出火焰煲仔飯

有網民在社交平台上傳一張照片，聲稱「頭先屋企人喺荃灣西海之戀分店嘅大快活買咗個煲仔飯，出到𨋢個煲仔飯開始着火」。事主稱，如果拎咗入屋先着火，後果不堪設想。事主已向大快活投訴，暫時未有答覆。從照片見到，紙製的煲仔飯外賣袋一半已燒至毀。
另一名聲稱目擊者的網民留言表示，聽到大廈警鐘響了30秒，初時以為困𨋢，出門見大煙咳了幾聲。之後才知道是煲仔飯起火。當時管理員已到場，表示去拿滅火筒。但目擊者見形勢緊急，用一樽水就將火淋熄。她覺得事件出奇又荒謬。
事件引起網民熱議：「點解可以着火咁激架？」、「原煲燒住直接一離火就塞入紙盒？」、「證明好夠鑊氣」、「新鮮滾熱辣」、「附近有無cctv先？否則樓主自己燒都得喎」、「新出火焰煲仔飯，呢壇嘢一定打低多年嘅勁敵」。