有網民於移民英國港人facebook群組轉發專頁截圖，指有港媽近日多次發文，教路以填寫食評的方式退款，變相換取免費食物。相關截圖可見，管理專頁的港媽指於英國超市買餸時發現「免費貨品」，並拍下一品牌的牛奶相片，盒上介紹列明若顧客對牛奶不滿意，只要寫下15字以上的評價解釋，提供個人資料及購買單據證明後便可獲製造商原價退款。

有移民英國的港媽近日發文分享貼士，指當地部份商家提供退款服務

亦有網民發現，該港媽早前亦曾於英國超市購入素魚手指，指出只要到製造商網站填寫食評及個人資料便可獲退款，形容「唔好食就可以退錢」、「買免費嘢」。她4日後更再次發文更新，稱登記退款後已獲製造商回覆，「今朝收到確認Email，等收錢」。

購入素魚手指，指出只要到製造商網站填寫食評及個人資料便可獲退款購入素魚手指，指出只要到製造商網站填寫食評及個人資料便可獲退款

網民狠批其「搲着數」做法，「如果啲嘢食嘢飲試完真心覺得唔好食，你去refund（退款）咁係理所當然，但如果打正旗號當佢『免費』嘢咁搲埋呢啲着數再周圍廣傳咁就……」、「唔好飲先退錢啫，即佢教人為咗refund 就講大話話唔好飲啦」、「濫用咪搞到人哋以後唔再畀你免費退囉，外國人就係識自律識可以做到呢啲嘢」。

面對眾多批評，港媽隨即發文反批網民，「人哋啲公司嘅宣傳手法，唔好味就寫返啲review（評價）畀佢哋，等佢哋可以改善，我唔覺得有問題」，又稱當地人購入不滿意的貨品後也會要求退款，「有興趣啲Hater（攻擊者）研究一下英國啲例，同埋去超市留意一下，大把人買完嘢發覺唔啱就Refund，買中咗酸奶都可以去退款，冇人叫你去呃」。

港媽的惹火言論再引網民狠批她死不認錯，影響港人形象，「佢唔係死撐咁簡單，佢係真係覺得自己冇問題，而家覺得我哋全部人都有問題」、「如果有需要，可以去food bank（食物銀行），一樣免費。有需要就遁正常途徑，唔好用錯嘅方法」、「貪埋呢啲便宜，仲要post出嚟教人，整臭香港人個朵」。

南韓前法務部長曹國因為舞弊及濫用職權，被判監兩年。

曹國聽取判決後，離開首爾中央地方法院。他獲准毋須即時收監，等候上訴。法官裁定曹國利用職權，妨礙當局監察前釜山副市長。至於他利用女兒的獎學金名義收受600萬韓圜，法官認為雖然不屬賄賂，但違反《禁止不正當請託法》，一審判監兩年。有示威者在庭外抗議，要求立即將曹國收監。

前總統文在寅力排眾議，2019年任命曹國擔任法務部長，試圖推動檢察改革，但曹國隨即捲入多宗醜聞，最終就任很短時間就辭職。