近日，有的士司機在司機群組發文，指有乘客召車打算從銅鑼灣禮頓中心前往屯門青磚圍富榮花園，要求以85折收費，同時願意提供15元「貼士」。並列出6個額外要求，包括取道西隧過海、以電子支付形式繳付車費、非吸煙司機，車費85折及需要單據，以及不能在單據上蓋上85折印章。上載訂單圖片的司機不禁笑言「85折印」具影響力，「笑咗，唔知係咪曾經收過？」，又批評涉事乘客為「西客」，要求付折扣價卻想索取正價收據，「咁咪叫正價囉，X街」。
再次引來的士司機討論，部分人批評涉事乘客存心欺騙，「真係有要求，要賺嗰15%公數」、「電子收款再食信用卡回贈，但如果俾公司報詐騙，一check record就GG」、「發達靠嗰廿蚊㗎啦」。不過也有網民認為，85折印長遠或會影響生意，「玩八五折印班醒目仔以為可以令搭客畀正價，實際上搭客會問司機拎電話拎咭片，班醒目仔遲早八五折都冇得做」。

另有的士司機指，即使不蓋印也有其他方法令乘客不能以單據報銷車費，「唔扱印可以手寫㗎？」、「到咗收幾多錢，咪畀張手寫單囉，一定冇85折印」、「唔要印就手寫收據啦」、「留低證據，可以告教唆行使非法文書罪，這是刑事罪來的，應該要有一次殺雞儆猴了」、「寧可做少單，都唔會益呢啲西客，各位司機大佬做人拎返啲尊嚴出嚟」。

有的士司機在Facebook群組發文，指他有日駕駛至尖沙咀廣東道，並左轉是柯士甸道的大馬路時，親眼看見前方「（的士）司機落車屙尿，車內有兩名乘客」。片段所見，的士司機趁等紅燈期間，竟下車並走至車尾，停留至少12秒，離開時更有拉褲鏈動作，全程被樓主所記錄。
網民怒斥的士司機行為欠衛生，「有無咁急啊？」、「知唔知醜呀究竟」、「又隨街屙尿」、「香港之恥」；亦有留言認為不應妄下判斷，「佢可能身體有事真係忍唔到呢，咁樣擺人上網又何必呢？」，更指出樓主不算有實證，沒有拍到尿液，「你都影唔到又話屙尿，無憑無據」。