正所謂入洗手間「辦大事」，耶穌都阻我唔到！不過有位港男，疑似在商場廁所「辦公」之際，居然獲贈「星級待遇」！難怪網民大叫，真的可遇不可求，Let’s Celebrate！
有脆友在社交平台Threads爆破發文，指他在洗手間遇上絕無僅有的「奇遇」！他自嘲道：「我去廁所，佢哋放煙花，連隔離街嘅人都嚟埋睇，真係星級待遇！」
依樓主提供的片段角度，他正在廁格內「辦公」期間，廁格與廁格之間，居然毗鄰有人用電鋸鋸鐵中！不用問，當然是火花四濺，果然十足十在你門前「放煙花」一般！
最爆趣是，火花更直彈毗鄰廁格內樓主的大腿，星級待遇，煙火璀璨，夾雜少少驚嚇咁啦！
我去廁所佢哋「放煙花」｜網民：想得到煙花馬上有煙花你未看到嗎？
樓主還配文：「我只係想痾個屎啫。」多麼的無奈。。。
又是的，不過一班網民當然滿地花生，輪住爆趣留言：「係咪便秘咗太耐，見你有屎痾就放煙花慶祝😂 」（有咁的可能！）
「Sorry，唔知點解中咗我笑點。」、「我笑到停唔到🤣 」、「同感，咬唇忍笑中。」
網民絕妙提議：「佢噴火，你都可以噴水！」、「 火燒後欄，可遇不可求。」
為你送上軒公歌詞一句：「想得到煙花 馬上有煙花 你未看到嗎？ 」
影片來源：threads