東張報料片。出境慘況｜觀眾投訴關口間歇性通關　安排混亂「拆散家庭」搞到報警　旅程泡湯

復活節及清明長假期，數以百萬計港人出入境，多個關口口岸人滿為患，大排長龍過關，有觀眾向東張拍片投訴，本來乘坐直通巴士到港珠澳大橋去澳門，結果折騰一整天，最後搞到報警，多名港人更加受不住暴曬，最終要警察幫忙折返香港，取消行程。

觀眾歐陽先生向《東張》投訴，說本來趁復活節假期，準備搭直通巴經港珠澳大橋去澳門度假。但排隊情況非常慘烈，他批評過關安排很混亂：「排隊過關，關口間歇性通關……金巴已經排哂長龍，但入境處唔肯放直通巴既人，結果車上既人等我地，我地又等過關。最後乘客排左一個鐘以上。」

更恐怖的是，等待期間，竟出現「拆散家庭」的情況，歐陽先生抱怨：「最後閘口終於放行，司機唔等全部乘客，當時有屋企人係車上，叫司機唔好離開，等多5分鐘就到，但司機唔理會決心離開左。當時有約一半既人無上車，9個家庭同小朋友，總共22人。其他直通巴都有職員係車站安排，係永東冇車冇職員。打比永東直通巴，問職員點處理。職員回覆，『咁我都冇辦法喎，你地自行解決交通問題』。叫我地一係等下午4點果班車，但係未必有位。係唔會有退款呢樣野。」客人在烈日下苦等近一小時，部分人受不了要折返

「我地半車人係口岸暴曬住等，好無助，只可報警尋求協助。警察幫手致電永東直通巴，最後都終於聯絡到，永東要等一個鐘再安排另一架車黎執返我地剩下的乘客。有7個已經頂唔住暴曬，要警察帶返香港取消行程。」

歐陽先生希望各方汲取教訓，認為「入境處可以做分流，例如開一個閘口係比直通巴，直通巴同金巴分開處理，一刀切限制出境，反而會製造左更多既麻煩」，期望悲劇不要重演。