搏命外賣員一拖數袋外賣 險釀意外

近日，有網民在Facebook群組發文，指在澳門林茂塘驚現「搏命外賣員」，從圖片可見，車友載着10多袋外賣，在路邊奔馳，險象環生。萬一失平衡不但會被食物中的熱湯灼傷，更可能要賠償外賣費用，得不償失，因此奉勸各位外賣員性命比錢財更重要！

網民都奉勸外賣員，「針唔吉到肉唔知痛」、「為搵食真辛苦」、「家為兩餐，為屋企人都唔容易。尤其今年。所以注意安全，生命更重要」、「車手渣車小心d，安全至上」，不過亦有人批評食客和外賣平台無良，「多得後台同個XX客人，你老味很多XX客叫幾十支水，完全無林（諗）個個車手」、「都唔明點解d撲街客咁懶，自己有腳都唔死落去買」、「電單車送到貨車咁，唔係第一日既事，仲要減人工，一張單兩箱水，我去隔離酒店放低20袋野，個保安同我講發啦，7單野16蚊一單，仲要爬入酒店五樓排隊等」。好心的網民亦呼籲大家要多體諒外賣員！