沙比阿朗素無錢買機票去教利記? 小心被人呃呀!

沙比阿朗素無錢買機票去教利記? 小心被人呃呀!

英超利物浦領隊高普,早前宣布將在季尾辭職,震驚球壇,前紅軍名宿中場、德甲利華古遜主帥沙比阿朗素盛傳是接掌大熱,泰國有騙徒趁此機會假扮沙比,在Instagram向球迷索取「捐款」贊助自己赴英國的航班費用。泰國警方發文呼籲:「利物浦球迷,冷靜一點」。

泰媒報道,當地出現網上騙案,騙徒假扮成沙比阿朗素,在Instagram以泰文向球迷索取300泰銖「捐款」,去支付自己的航班費用。訊息以泰文寫道:「我是沙比阿朗素,下季我已落實執教利物浦,但我未夠錢買機票飛去利物浦,如果你想支持我,可以透過TrueMoney給我300銖。」

泰國警方強調,這是一種典型的網上詐騙手法,旨在利用球迷對沙比阿朗素和利物浦的熱情騙取金錢。他們敦促球迷保持警惕冷靜,不要輕易相信此類信息,並建議通過官方渠道確認任何教練變動的消息。

趙小婷搞大型生日會 好姊妹黃洛妍改機票到賀

趙小婷見到一眾粉絲、《聲夢傳奇2》兄弟姊妹同親友為自己慶祝23歲生日,心情既開心又感動,佢話成個生日會同想像中好相近,加上今年好難得可以抽到時間搞一個咁大型嘅生日會。講到生日願望,佢話希望身體健康、學業進步、心想事成同要乜有乜。

難得咁多疼惜自己嘅人在場,Pamela當然獻唱答謝愛戴,而因為比賽而成為好姊妹嘅黃洛妍,仲特登改機票返港出席,嚟得現場當然要上台合唱。Pamela話知道大家都好鍾意佢同Janees呢個組合,所以就襯呢個機會試多啲新嘢畀大家睇,佢仲大讚Janees係義不容辭,Janees話自己用咗零秒就答應出席。仍然修讀醫科嘅Pamela話會堅持繼續喺網上唱歌,因為佢嘅性格係做乜嘢事都認真。

熱門搜尋