炎明熹與內地家人團聚網民笑「大嚿Gi」混入小朋友堆：你是自願嗎?

炎明熹(Gigi)去年參加《聲生不息》成功打入內地市場，獲廣東衛視及央視邀請為兩台春晚表演，炎明熹趁着空檔與家人團聚，今個農曆新年隨家人回鄉拜年，佢早已準備一封大利是，讓親友為團年飯加餸，佢日前喺微博分享喺cafe與狗狗玩嘅照片。

9.jpg

炎明熹到內地工作，趁着空檔與家人團聚。
炎明熹近日主力陪屋企人，珍惜相處時光，貼出與媽媽、爺爺、嫲嫲等合照，又食冰糖葫蘆，仲去咗遊樂場玩，見佢玩小朋友版「風火輪」機動遊戲，明顯比身旁嘅小朋友高大，似足一個「大嚿Gi」混入小朋友堆，畫面有啲格格不入，有網民問佢係咪自願坐上「風火輪」，炎明熹回覆：「是的！哈哈哈！」
炎明熹近日陪屋企人，珍惜相處時光。炎明熹表情多多，相當搞笑！炎明熹食冰糖葫蘆，佢笑言「像崩了顆牙似的」。炎明熹似乎有啲凍，包得好密實。粉絲稱大嚿Gi混進一堆小朋友。